بالفيديو.. ردود المواطنين على «أغرب موقف حصلك يوم فرحك».. عادل: مرحتش الفرح.. خالد: خدت 3 غرز.. مجدي: مكنش معايا أجرة المأذون.. محمد: أنا شغال في البدل ولبست بدلة مش مظبوطة عليا

"يوم الدخلة" أو الفرح، غالبًا ما يصاحبه عدد كبير من المواقف الغريبة، التي يواجهها الشخص لأول مرة في حياته.

وارتبطت الأفراح بعدد كبير من المواقف التي لا يمكن للفرد أن ينساها طيلة عمرة فمنهم من قطعت الإضاءة أثناء عرسه، وهذا وقعت اشتباكات بين الأهالي داخل قاعة الفرح، وآخر هربت زوجته لخوفها منه.

"إيه أغرب موقف حصلك يوم فرحك"، سؤال طرحته عدسة "فيتو" على المواطنين..

"اتدبست"
قال محمد يوسف: "أنا شغال في البدل ولبست بدلة مش مظبوطة عليا"، فيما قال عبدالنبي سيد: "خناقة بين أهلي وناس تاني ماشيين في موته"، وأضاف نور على: "مفيش حاجة علشان كانت بنت عمي وواخدين على بعض"، وأشار مجدي عيد: "أغرب حاجة إني اتجوزت يعني اتدبست رسمي".

"مارحتش الفرح"
وقال رضا ممدوح: "النور قطع في الفرح"، وأوضح عادل مرعي: "مرحتش الفرح علشان ظروف خاصة"، وتابع سيد مرعي: "ليلة الدخلة مختش بالي من الوقت وفجاة لقيت الساعة واحدة ونسينا نتعشي"، فيما قال نور علي: "كنت مخطوف وخايف أوي من الموقف".

خدت 3 غرز
وتابع أسامة جمال: "العروسة خافت مني وهربت علشان هي من الإسماعيلية وأنا صعيدي وأول يوم بالنسبة ليها، بينما قال مجدي خالد: "مكنش معايا أجرة المأذون"، فيما قال خالد على: "ده كان يوم نحس الموبايل اتحرق ومراتي وقعت من على الكرسي وخدت ثلاث غرز".