نشطاء "تويتر" يسخرون من الرئيس ويدعمون باسم يوسف.. رامى: "لو حققوا مع باسم يبقى انتخبنا ديكتاتور".. جاسم: السخرية المرة دية لمرسى مع المرشد.. سمر: بالذمة مين اللى بيهين نفسه

أثار قرار انتداب المستشار طلعت عبد الله، النائب العام، المستشار محمد السيد خليفة المحامى العام بالمكتب الفنى للنائب العام، للتحقيق فى البلاغ المقدم من 12 مواطنًا ضد باسم يوسف مقدم برنامج البرنامج على قناة "سى بى سى"، لاتهامه بإهانة رئيس الجمهورية والسخرية منه سخرية نشطاء "تويتر".
البعض شبه مرسى بالديكتاتور، وآخرون اتهموا الرئيس أنه ترك أحداث بورسعيد والمنصورة وتفرغ لباسم يوسف.
رامى نادر: "لو بجد تم التحقيق مع باسم يوسف يبقى احنا انتخبنا ديكتاتور فعلًا.. زيه زى اللى قبله.. اللى يعارض يتحبس".
جاسم الزرعونى قال: "النائب العام المصرى يأمر بالتحقيق مع باسم يوسف بسبب سخريته على مرسى، أعتقد الجديد السخرية المرة هذى إنه المرشد مع مرسى!".
إسلام على قال: "إذا حاكمتم باسم يوسف فكلنا هانبقى باسم يوسف، وقابلوا بقى.. هاتخده تريقة حراقة أوى".
سمر نجم قالت: "رافعين قضية على باسم يوسف بتهمة إهانة الرئيس.. طب بالذمة مين اللى بيهين نفسه وجماعته.. لما مش عارف هيقول إيه والمرشد بيمليه.. رئيس عار!".
وقالت ليزا هانى: "إزاى باسم يوسف يهين الذات العظيمة ديه؟ ده اسمه ازدراء أديان! يا باسم افتكرتك أحسن من كدا!!".
وقال من أطلق على نفسه ناشط نووى: "من جديد النائب العام المصرى يأمر بالتحقيق مع باسم يوسف بسبب سخريته على مرسى.. السخرية المرة ديه الڤيديو كان المرشد مع مرسى!".  
وقال وائل عوف: "النائب العام سايب كل حاجة فى البلد وهيحقق مع باسم يوسف.. دا احنا فى جمهورية الموز".
محمد سعودى قال: "طب باسم يوسف لو اتحكم عليه علشان تهذيق الرئيس.. الناس اللى كانو بيتفرجوا عليه وضحكوا يا ترى حيتحاكموا هما كمان بتهمة الضحك على مرسى؟".
وقالت مى موسى: "محمد مرسى.. إنت متعود كل يوم الناس تتريق عليك عالنت كدة؟؟ أيوة كل يوم ما عدا الجمعة باسم يوسف هو بقى اللى بيستلمنى".  
وقال من أطلق على نفسه ابن سى السيد: "بس الصراحة باسم يوسف عمل معاك السليمة يا أبو الأمراس".
أحمد مورى قال: "ﺑﺎسم يوسف ﺍﻟﻤﻔﺮﻭﺽ ﻓﻌﻼً يتهذب فى ﺍﻟﺤديث ﻋﻦ ﺍلإﺳﺘﺒﻦ.. ﺩﻩ ﻣﻬﻤﺎ ﻛﺎﻥ.. ﺍﻟﻔﺎﺷﻞ ﺍﻟﻠى ﺑﻨﻌتز.. ﻭﻧﺤترﻣﻪ!! ﻋيب ﻳﺎ ﺑﺎسم".  
وقالت سارة فهمى: "بخصوص موضوع باسم يوسف أنا شايفة إن النائب العام حرك أكبر قضية وأهم قضية تمس مصر والأمن القومى والشعب المصرى".
وقالت بل إمى: "12 شخص اللى قدموا البلاغ ضد باسم يوسف أحسوا بضرر نفسى جسيم من السخرية على رئيسهم المنتخب! يا عينى ترانى تأثرت لحظة أبكى!".
وسخر من أطلق على نفسه أساحبى حزب الراية: "باسم يوسف.. لو أجيبلك حازم وولاده راح تبكى.. وتتمنى وداده، وإن جه برنامجك فى معاده ح ابعت لك منهم ..كام ألف".  
وقال أحمد فهمى: "ضحكة باسم يوسف بتوجع أكتر من دم الناس اللى ماتت يعنى؟! مهو ده السبب الوحيد لفتح التحقيق معاه قبل ما يتحقق فى أحداث بورسعيد!!".  
وقالت آية هشام: "ذات مومنت لما أشوف الخبر ده "باسم يوسف هيتحقق معاه بتهمة إهانة الرئيس"، لييه كل حاجة حلوة عمرها قصير".  
وقالت إنجى صبرى: "النائم العام يأمر بفتح تحقيق مع باسم يوسف بتهمة إهانة الرئيس.. طب ما بدل ما تحقق مع باسم يوسف روح حقق فى اللى حصل فى بورسعيد إمبارح!!".  
وقالت منة ضيا: "يا بيه مهو لو كل واحد اتحقق معاه بتهمة "إهانة الرئيس"، البلد كلها هتبات فى السجن".  
وقالت الرملية: "الرئيس ساب ( المنصورة - بورسعيد - أحداث الألتراس - البورصة - واقتصاد البلد المنيل) وحرقه أوى...".
محمد عبد الرحمن قال: " باسم يوسف اتحول للتحقيق لإهانته لمرسى.. طب مين حايحقق مع الإستبن لإهانته للإنسانية وللدم؟!"
عبد الله السماحى قال" النائب العام يأمر بـالتحقيق مع باسم يوسف ! مـ صحيح مـ انت ملاكى إخوانى".
محمد على السنباوى قال: "جدﻭﻝ ﺑﺎسم يوسف ﺍﻷﺳﺒﻮﻋﻰ: حد واتنين ﻭﺛﻼﺛﺎﺀ ﺇعدﺍﺩ - ﺃﺭﺑﻌﺎﺀ ﺗﺼوير - ﺧميس ﻣﻮﻧﺘﺎﺝ - ﺟﻤﻌﺔ ﺇﺫﺍﻋﺔ - ﺳﺒت ﻋﺮﺽ ﻋﻠﻰ ﺍﻟﻨﻴﺎﺑﺔ".