بالفيديو.. أغرب ردود المواطنين على سؤال: "تفتكر مبارك هيسكن فين بعد براءته في قضية القصور الرئاسية؟".. سيد: "في بيته بالمنوفية".. عبدالعظيم: "عايش أحلى عيشة في المعادي العسكري".. عمر: "هيفك على بره"

قضت محكمة النقض في جلستها المنعقدة اليوم برئاسة المستشار سلامة عبد المجيد نائب رئيس المحكمة، بنقض الحكم السابق صدوره من محكمة جنايات القاهرة، بمعاقبة الرئيس الأسبق حسنى مبارك بالسجن المشدد لمدة 3 سنوات، ومعاقبة نجليه علاء وجمال بالسجن المشدد 4 سنوات لكل منهما، في القضية المتعلقة باستيلائهم على أكثر من 125 مليون جنيه من المخصصات المالية للقصور الرئاسية، وألزمتهم جميعا برد مبلغ 21 مليون و19 7 ألف جنيه، وتغريمهم متضامنين مبلغا وقدره 125 مليون و779 ألف جنيه.

استطلعت عدسة" فيتو" أراء المواطنين في المكان الذي يعيش فيه الرئيس الأسبق مبارك بعد براءته في قضية القصور الرئاسية.

المنوفية
قال محمد سيد: "مبارك طول عمره عايش بره مصر، أو شرم الشيخ أكيد هيرجع ليهم تاني"، فيما قال على: "ميقدرش يعيش في محافظات الجمهورية ممكن يعيش في شرم الشيخ، بس مش هنسيبه يعيش فيها".

وأضاف سيد على: "هيعيش تحت سقف ربنا، معرفش هو كان عايش فين كل اللي عارفه أنه منوفي فأكيد هيرجع ليها تاني".

شقة في شرم الشيخ
وقال عبدالعظيم خلف: "هيعيش في مستشفى المعادي اللي قاعد فيها دلوقتي، الجيش معيشه أحلي عيشة هناك وزي الفل هناك وأحنا هنفضل عبيد زي ما إحنا"، فيما قال فاروق على: "هيعيش في الشقة اللي في شرم الشيخ، أنا عارف أنه عنده شقة هناك".

القصر الرئاسي
وقال نجم موسى: "المفروض يعيش في قصر الرئاسة، كفاية الفترة اللي خدمها للبلد"، فيما أضاف ربيع محمد: "هيرجع للشقة اللي كان عايش فيها قبل ما يمسك الرئاسة".

وقال عمر محمود: "أكيد هيفك على بره لو قعد هنا في مصر محدش هيسيبه في حاله كفاية اللي عمله في البلد"، وتابع ضياء سيد: "يرجع يعيش وسط أهله في المنوفية، أكيد هيرجع لأصله".