بالصور.. أحد أطفال الشوارع لـ«السيسي»: «أنا بحبك قوي.. ونفسي أقابلك»
وجه عبد الله حسن صلاح، أحد أطفال الشوارع بمحافظة الإسكندرية، رسالة إلى الرئيس عبد الفتاح السيسي، قائلًا: «أنا بحبك قوي علشان أنت الريس بتاعنا».
وأضاف الطفل في رسالته: «الرئيس السيسي اللي أنا بحبه جدا.. أنا عبد الله، أنا بحبك قوي علشان انت الرئيس بتاعنا، وبتحبنا كلنا، أنا سبت المدرسة من سنتين، وكنت في الشارع، لكن رجعت تاني المدرسة، وسبت الشارع، بعد ما كنت بشوف زملائي، وهما بيروحوا المدرسة كل يوم».
وتابع: «أنا كنت في الشارع لوحدي، وعرفت إنك السبب في رجوعي للمدرسة تاني، هما قالولي كده، لما شوفتني ولقتني في الشارع، وقولتلهم رجّعوا عبد الله، علشان كده أنا بحبك، وهبقى ظابط زيك، وأنا جبتلك علم بتلاتة جنيه، ونفسي أشوفك، علشان أدهولك وأبوسك من خدك».
كان الناشط السياسي "إيهاب قسطاوي"، تبنى الطفل «عبد الله»، وأعاده للمدرسة بعد موافقة "صفوت البري" وكيل إدارة العجمي على عودته، كما استقبله اللواء "طارق مهدي" محافظ الإسكندرية، وأهداه ملابس وأمر برعايته.
