بالفيديو.. أغرب تعليقات المواطنين على اختصاصات عضو مجلس النواب.. طه: «يوصل الكهرباء والمياه للناس».. علاء: «مش بيعرفوا يكتبوا».. على: «ملوش لازمة».. كريم: «يسحب الثق
«مجلس النواب» هو السلطة التشريعية بجمهورية مصر العربية ويتولى اختصاصات مختلفة وفقًا لما ورد في المادة 101 من الدستور، ويتولى سلطة التشريع، وإقرار السياسة العامة للدولة، والخطة العامة للتنمية الاقتصادية، والاجتماعية، والموازنة العامة للدولة، ويمارس الرقابة على أعمال السلطة التنفيذية، وذلك كله على النحو المبين في الدستور.
يتألف مجلس الشعب من450 عضوًا على الأقل، وينتخبون عن طريق الاقتراع العام السري المباشر على أن يتم الاقتراع تحت إشراف أعضاء من هيئة قضائية، بالإضافة إلى عدد من الأعضاء يعينهم رئيس الجمهورية لا يزيد على 5%.
استطلعت عدسة «فيتو» أراء المواطنين حول معرفتهم باختصاص دور عضو الشعب وهو ما ميزاته التي يجب أن يتمتع بها.
مش بيعرفوا يكتبوا
قال طة محمد، «دوره يوصل المياه والصرف الصحي والكهرباء ويبني المستشفيات والمدارس، ويعمل اللي الناس عايزاه، ويعين الناس اللي عايزة تشتغل، ولازم البرلمان كله يصحح أخطاء المسئولين في الدولة، وميدوروش على مصالحهم الشخصية»، فيما قال علاء عصمت: «ولا ليه أي دور هما شوية دعاية في الأول علشان يكسبوا وخلاص، وكلهم ما يستحقوش يدخلوا أصلًا، وأغلبهم مش بيعرفوا يقرأوا ولا يكتبوا دخلوا كدة بالفلوس، ولازم يبقي خريج كلية حقوق علشان يبقي عارف الدنيا فيه إيه».
ملوش لازمة
وأضاف على يحيي: «يحافظ على لقمة عيش الناس، وبعدين البرلمان دلوقتي ملوش إي لازمة»، فيما قال محمد سيد: «يحافظ على مصالح الناس والناس اللي مش لاقية تاكل، والبرلمان لازم يدور على كل اللي يحتاجه ويجيبهوله»، فيما قال نجاح محمد: «لازم ينسي نفسه ويفتكر الناس ويخدمهم، ويشغل اللي مش شغال، ويجيب أكل وشرب وغطاء للناس الغلابة، ولازم البرلمان يدور على الناس المحتاجة».
يسحب الثقة من الحكومة
فيما قال كريم أسامة: «يوصل صوت الناس، ولازم يستوجب الوزراء ويسحب منهم الثقة، ولازم يكون مصري»، وقال نور سيد: «ده لازم ينفذ كل الحاجات إللي عايزينها أهل دايرته، ولازم يبقي مخلص ليهم».
