بالصور.. أطرف مواقف الفتيات في سن الطفولة.. مي: "حدفت أخويا تحت السرير عشان يبطل عياط".. أميرة:"عضيت كلب مات".. مها: "رميت دهب ماما في الحمام".. ونودي:"حطيت السلحفاة في الغسالة"

الأطفال ملائكة صغار، نعشق شقاوتهم وأفعالهم العفوية الصادرة عن حسن نية، رغم أن بعض تلك الأفعال قد تتحول إلى كوارث خطيرة لا يحمد عقباها.

انهمرت تعليقات رواد "فيس بوك"، لسرد ذكريات الطفولة، وذلك ردًا على سؤال طرحته إحدى الصفحات، وهو "هل كنت طفل شقى وأنت صغير؟"

نورهان تعترف
اعترفت "نورهان" بشقاوتها وروت بعضا من مواقفها قائلة:" كنت شقية جدا بخطورة، مرة ركبت على سور الشباك حصان واحنا في الدور الخامس، ومرة بلعت دبوس وقعدوا يأكلونى قطن، ومرة بلعت برشام جدى على أنه شيكوبون بمناسبة أنى بحبه جدا وعملولى غسيل معدة، ومرة دخلت قلم جوة ودنى شوفت شخصية كارتونية بتعمل كده والسن اتكسر جوه وودنى قعدت تورم لحد ما ماما اكتشفت ولحقونى قبل ما طبلة ودنى تتخرم، ومرة جيت أعمل تجربة علوم عملت ماس وضرب نور الشقة، كفايه كده ولا أكمل".

"شفط الكتاكيت"
و كتبت سالى ما قام به خطيبها في طفولته، قائلة: "خطيبى كان مرة بيلعب مع الكتاكيت شفطهم بالمكنسة"، أما إسراء، فسردت: كنت بكسر أي حاجة وأخبيها وأرجع أدور معاهم عليها"، وأضافت مى: "خدت أخويا حدفته تحت السرير عشان يبطل عياط "، أما سارة فقالت:"حرقت التليفزيون مرتين بصراحة كنت قاصدة، ووقعت أخويا من عالمرجيحة فتحت دماغه المرة دى بقى كنت قاصدة برضه".

عضة كلب