أنا محتاجة اسمع قرآن
أنا محتاجة أتكلم جدا
وفى نفس الوقت اكون ساكتة
شايفة الحاضر مؤلم جدا
بس بحاول ارسم ضحكة
يمكن بحقد ع البلياتشو
علشان قادر يرسم وشه
بخطوط تشبه شكل الفرحة
ويمكن بشفق برضه عليه
دا مهما الحزن بيكبر فيه
واقف قدامنا مِخبيه
أنا محتاجة اسمع قرآن
سورة يوسف بتطمنى
إن الحق مسيره يبان
انا محتاجة اقعد مع نفسى
يمكن نتفق المرة دى
ونحط قواعد لحياتنا
لو وقتها يسمح أو فاضى
انا محتاجة أكون أيوب
واصبر جدا ع المكتوب
مستنيه انكوا تدعولى
انا بكتب دايما عن حالكم
إنما حالى انا مش مكتوب
واتمنوا إن الحزن يتوب
عن أفعاله في خًلق الله
يلبس توب الفرحة شوية
ولو هنشوفه فرح كداب
