بالفيديو..محمد شردي عن أزمة «فيتو»: اقرءوا قبل أن تحكموا
دافع الإعلامي محمد شردي، عن صحيفة «فيتو»، بعد الهجوم الذي شنه البعض عليها بسبب مانشيت «صورة الرسول»، قائلًا: «تعرضت (فيتو) ورئيس تحريرها عصام كامل إلى هجوم غير طبيعي، وعايز أسأل الناس اللي حكمت، واللي هاجمت: انتوا قريتوا الموضوع؟ اقرءو واحكموا».
وأضاف «شردي»، خلال برنامجه «90 دقيقة» على قناة «المحور»، مساء اليوم: «فهمتوا الراجل ده (عصام كامل) بيدافع إزاي عن الإسلام وعن الرسول، الراجل بيتكلم عن الشيعة.. ممكن تجيلك صورة عن اللى بيحصل في إيران، مين اللي بيحط صور ومعلقها، الراجل الصحفي ده محترم، وعمل صدمة للمجتمع وبيقوله فوق».
وتابع: «هو نشر صورة؟.. هو عمل حاجة؟.. الصحفي ده محترم، وبيقدملك حاجة محترمة، ولازم نحترم النقلة اللي عملها في صحيفته»، في إشارة إلى رئيس التحرير عصام كامل.
وأعرب عن استيائه من دعوة مصادرة الصحيفة، ومحاكمة رئيس تحريرها، قائلًا: «الناس اللى طالعة تقول حاكموه واقتلوه واصلبوه.. هي ناقصة، اقرءوا قبل أن تحكموا».
