سعد عبود لـ«حمودة»: «أنت محامي الشيطان وأنا محامي الشعب»
نشبت مشادة كلامية بين سعد عبود، عضو مجلس الشعب السابق، والمحامي محمد حموده، حول التصالح مع رجال الأعمال المصريين المتهمين بقضايا فساد، حيث رفض الأول التصالح مع من نهبوا مصر منذ 30 عاما، وتسببوا في انتشار الفساد.
وقال عبود، خلال حواره مع الإعلامي وائل الإبراشي مقدم برنامج «العاشرة مساءً»، على شاشة «دريم2»، مساء اليوم الأربعاء: «محمد حموده دا محامي ممدوح إسماعيل صاحب عبارة السلام اللي موت آلاف المصريين، ومحامي أحمد عز، عايزينا نتصالح مع أحمد عز صاحب جمال مبارك"، بحسب قوله.
ووجه «عبود» حديثه للمحامي محمد حموده قائلا: «أنا محامي الشعب وأنت محامي الشيطان، أنت بتدافع عن المجرمين والحرامية، أنت شخص غوغائي، إزاي عايزينا نتصالح مع الحرامية دول».
ورد حموده على تلك الاتهامات قائلا: «أنت مش الشعب، عشان تتكلم باسمه، الشعب هو اللي اختار الرئيس والحكومة اللي مش عجباك دي، أنا مش هسمعك غير لما تبقى مؤدب، أنت جاي منين».
