شبح قرب الامتحانات يهدد الطلاب.. الضغط والتوتر يؤثران على التركيز.. كريم:"لقد وقعنا في الفخ".. نوران:"يا عيني على الحلو لما تبهدله الامتحانات".. ملك:"المخ واقف والنفسية مزفتة"..وعبد الرحمن:"هرجع أصلي"

"لقد وقعنا في الفخ"
وقال محمد جمال ساخرًا: "هو فعلا الطلبة دول غلبانين يا مسعودي؟؟.. فشر يا حبيبتي دول مساكين يا روحي!"، وأضاف كريم عبد الوهاب: "لقد وقعنا في الفخ".

الاندهاش
وقالت رقية حامد: "مش عارفة أفهم كلمة من أي مادة، يا دي الفضيحة أم جلاجل"، وذكرت نوران أحمد: "الواحد قبل الامتحان بيكون واخد وضع الاسبهلال والانبهار والاندهاش، بيكون فعلا التطبيق العملي لمثل "يا عيني ع الحلو لما يبهدله الامتحان".

"الانتحار.. والجن"
فيما قالت هاجر محمد: "ليك يوم يا ظالم ياللي مش هتسيبني أغش، أنا مش عارفة حاجة"، وأضاف سعيد شمس: "ربنا على المفتري"، وتابعت دعاء عبد الرحمن: "أنا فاضل لي تكة صغيرة وأنتحر، عايزة أغمض عيني وأفتحها ألاقيني نجحت يا جدعان"، وعلقت هدى عز قائلة: "في الامتحان تلقينا على طول باصين للسقف تقولش اللي بيغششنا جن ولا حاجة".

"عبده موتة في المسجد"
وأشار عبد الرحمن غنيم، إلى "الطالب طول أيام السنة عبده موتة، وأيام الامتحانات يبقى الشيخ عبد الباسط عبد الصمد"، وأضاف رمضان طليس قائلا: "وفجأة بيعرف ربنا ويصلي، وفي الفترة دي إمام المسجد يدخل يلاقي الجامع مليان، يقول أهلا بالرجالة اللي عندها امتحانات".

"المخ واقف"
فيما علق محمود ياسر مندهشا: "فقط في مصر الامتحانات قربت، والدراسة لسه مابدأتش أساسا"، وقالت ملك عبد العزيز: "المخ واقف والنفسية مزفتة".

"اندهاش.. وتناحة"
وقال منصور محمد: الطالب لما بيشوف ورقة الامتحان بيرفع شعار "اندهش"، وبيجيلوا تشنجات، وأضافت نادية ناجي: "في وقت الامتحانات الواحد بيكون عنده حالة تناحة"، وعلق إسلام علي قائلا: "يا مذاكرة افهمي، أنا وأنتِ مالناش نصيب في بعض".

"الغوا الامتحانات"
فيما طالبت عفاف غزال بإلغاء الامتحانات، مضيفة: "نداء إلى من يهمه الأمر.. ماحدش من الطلاب ذاكر عشان يمتحن، لذا نرجوكم الغوا الامتحانات السنة دي، ولا أنتوا مش داريانين بينا".