بالفيديو.. مشادة بين اللواء فاروق المقرحي ومؤسس «حاكموهم»
هاجم اللواء فاروق المقرحي، مساعد وزير الداخلية الأسبق، المهندس عبد العزيز الحسيني، مؤسس حملة «حاكموهم»، بسبب مطالبة الأخير بإعادة محاكمة الرئيس الأسبق حسني مبارك ونجليه جمال وعلاء، ووزير داخليته حبيب العادلي ورجال نظامه.
وقال «المقرحي»، خلال مداخلة هاتفية مع الإعلامية إيمان الحصري مقدمة برنامج «90 دقيقة» على شاشة «المحور» مساء اليوم الإثنين، لـ«الحسيني»: «إنت مؤهلك إيه، دارس قانون ولا خريج كلية حقوق، بتتكلم عن الدستور والقانون على أي أساس، دلوقتي الناس كلها بتتكلم في أي حاجة، هيكل اللي معاه بكالوريوس تجارة بيتكلم عن الرؤساء وبيعلق عليهم».
وتابع: «حزب الكرامة دا طلع امتى، إحنا مسمعناش عنه غير بعد الثورة، قبل كدا مكنش له وجود، عمل إيه أيام مبارك، إنتوا 50 واحد جمعتوا بعض وعملتوا حزب».
