عروسان بالإسكندرية يطرحان تذاكر لحفل زفافهما
قرر عروسان من محافظة الإسكندرية طرح تذاكر لحفل زفافهما المقرر إقامته خلال الشهر المقبل، وسيتعين على من يرغب بالحضور دفع مبلغ 70 جنيهاً قيمة تذكرة الفرد الواحد.
وأعلن العريس أنه استطاع الحصول على راع لحفل الزفاف، والباب مفتوح لأي شركة أخرى تريد المشاركة في الرعاية، كما أنه يبحث عن رعاة لرحلة شهر العسل، وينوي بيع حقوق بث حفل الزفاف على الهواء لإحدى القنوات التليفزيونية.
وقوبلت الفكرة بمباركة وتأييد شديد من أصدقاء العروسين الذي أعلن عدد منهم عن تطبيقها في أفراحهم حال نجاحها.
وقال أحمد مفتاح، في تدوينة عبر موقع التواصل الاجتماعي «فيس بوك»، «ألف مبروك بجد فكرة جامدة جدا وأكيد هاتعمل صيحة في عالم الأفراح وبعد كده ها يكون في شغل جامد يا صاحبي في تغيير العادات أحييك».
وكتب محمد عبد الله، «المفروض تعمل تذاكر صالة وتذاكر بلكونة وتذاكر في اى بي».
وأضاف محمد خميس «إيه الجمال ده وربنا فكرة جامدة أوووووى مش الكحرتة اللى فيها الواحد والفرد 145 جنيه أشيلهم أنا ليه لما ممكن هو ييجى ويدفع».
وداعب العريس إحدى المعترضات على الفكرة قائلًا:«يعنى يرضيكى يعنى بعد لما أركب بورسلين وطالع عينى فى التشطيب، أجى في الآخر وأنا مفلس أروح استلف عشان أعزم صحابى ما كل واحد يدفع لنفسه، اعتبروها غدوة في أي مكان».
