زلزال على «تويتر» عقب هزيمة المنتخب.. عبد العزيز: «نلعب بلي».. مصطفى: «لو كان غريب لعب بعنتيل المحلة مكنش ده بقى حالنا».. محمد: «شوقي راجل طيب زي محمود الجندي».

سادت حالة من الاستياء الشديد لدى مستخدمي مواقع التواصل الاجتماعى عقب هزيمة المنتخب الوطنى أمام نظيره السنغالى بهدف نظيف في المباراة التي جمعت بينهما مساء اليوم السبت، على ستاد القاهرة، ضمن الجولة الخامسة من المجموعة السابعة، بتصفيات أمم أفريقيا 2015.

ورصدت «فيتو» أبرز التعليقات.

عبد العزيز محمود: «قولناها قبل كده لو الأهلي حلو يبقى المنتخب حلو غير كده نلعب بلي».
أحمد الديب: «المنتخب ينحت في الصخر والامل بيد الله، ومنه لله اتحاد الكرة».
تامر عبدالعزيز: «مش مهم المنتخب.. الأهلي اللى بيفرحنا».
عمرو خالد: «مدرب كل اللى كان يعرفه أنه مساعد حسن شحاته وبيقعد جنبه على الدكه».
محمود عبدالمعنم: «دولة كاملة مش لاقيين مدافعيين فيها إلا محمد نجيب وعلي جبر».
عمرو دشمن: «لو سالتك انت مصرى قولى ايييه اقولك كنت مصرى ونفسى اهاجر»
زكى قدره: «سؤال لشوقى غريب انته جايه هنا تشتغلى إيه».
أحمد سعد: «السنغال عملت معانا الجلاشة».
ندى: «انا حاسه اننا خلاص بقينا كلنا زمالكووية والخسارة وحرقة الدم عادي كل ماتش منتخب مصر بقا زمالك».
خالد أبو بكر: «ليس بالوطنيه وحدها ممكن تكسب المهم تكون جاهز وتشتغل فعلا للمباراة والكلام ده مش بس في الكوره».
محمود عبدالعزيز: «الحل إن احنا نرجع حسن شحاته وطبعًا حسني مبارك ونخلي الأستاذ عيلاء والأستاذ جمال يزوروا المنتخب ونهتف ونقول زي ما قال الريس منتخب مصر كويس».
هانى كندارى: «بعد هزيمة المنتخب من السنغال في رسالة مصورة داعش تتعهد بذبح شوقي غريب».
محمد مجدى: «أنا بحب شوقي غريب جدًا، بس بحبه حب الخال، راجل طيب كده زي محمود الجندي، بس مامسكوش المنتخب يعني».
مصطفى السيد: «الحمد لله ما تفرجتش ع الماتش.. صحتى بالدنيا».
سحر نوح: «مصر مش مكتوب لها تفرح حتى في الكورة».
محمود أفندى: «اللهم اجعل صبرنا على المنتخب شفيعًا لنا يوم أن نلقاك».
عمو لطفى: «قدر الله وما شاء فعل بصوا للشق الإيجابي من الخسارة ياجماعة عندكوا مثلا فيروس الايبولا اللى منتشر في أفريقيا لو اللعيبة راحت اكيد هترجعلنا بيه».
نبيل الحلفاوى: «نشد حيلنا بقى في تونس.. ونجيب أحسن رابع».
أحمد فرانكو: «فين أيام كابتن ماجد في الهجوم وكابتن رعد في الجون الله يمسيكم بالخير».
أكرم جمال: «هو المنتخب اخدها تلت مرات ورا بعض علشان يقعدنا تلت مرات زيهم من غير حاجة حلو كده تلاته تلاته نبتدي من الأول بقى».
نايف جابر: «المنتخب المصري لم يقدم ما يشفع له بالتأهل الحكم جامل المنتخب المصري في الشوط الأول دون فائدة».
أحمد محمود: «لا كويس كده قوي... أنا شايف المنتخب يسيب الرياضة ويحول أدبي أحسن».
مصطفى محمود: «لو كان شوقي غريب لعب بعنتيل المحلة مكنش دة بقي حالنا».
طارق شاهين: «مفيش لعيب عنده روح أصلا كله رايح يتصور سيلفى».
وردة المصرية: «كان عندك منتخب وراح».
زكى شان: «روح يا شوقى»