أحمد موسى عقب هزيمة المنتخب: «هعمل حملة علشان أرجع حسن شحاتة»
شن الإعلامي أحمد موسى، هجومًا حادًا على لاعبي المنتخب الوطني، والمدير الفني شوقي غريب، عقب خسارته أمام منتخب السنغال بهدف، في التصفيات المؤهلة لكأس الأمم الأفريقية 2015، قائلًا: «معندناش فرقة، ولازم نعترف أن فريقنا فاشل، ومدربنا فاشل.. أنا هعمل حملة علشان أرجع حسن شحاتة».
وأضاف «موسى»، خلال برنامجه «على مسئوليتي» على قناة «صدى البلد»، مساء اليوم: «عندنا حارس مرمى بينط لتحت مش لفوق، إحنا بصراحة وحشين.. رجعوا حسن شحاتة لو عايزين يبقى عندنا فريق».
وتابع: «كان نفسي أشوف هجمة واحدة منظمة.. الكورة بتفرح الشعوب، لكن النهاردة الكورة نكدت علينا، عماد متعب فين هو علشان أهلاوي بنجامله، ده لو أنا مكانه كنت لعبت أحسن منه، ولا عندنا خط دفاع ولا خط وسط، والنني ده كأنه بيلعب على الجليد، وبعدين إيه محمد صلاح ده اللي فرحانين بيه؟! ده معملش حاجة.. منكم لله».
