بالصور.. الفتيات في هاشتاج «احكيلنا عن أول تجربة فاشلة ليكي في المطبخ»: «غسل الدجاج بالصابون».. «وضع الملح في القهوة بدل السكر».. «البيض بيتسلق من غير مياه»

دشنت مستخدمات موقع "فيس بوك"، هاشتاج "احكيلنا عن أول تجربة فاشلة ليكي في المطبخ"، ورصدت "فيتو" أبرز التعليقات.

رورو: حطيت البيض يتسلق من غير ما أحط مياه
دنيا: وضعت 4 ملاعق ملح بدلا من السكر في قهوة خطيبي
فرح: حرقت المقلاة لأني نسيت أنها على النار، وعندما بدأت أطفيها وجدت ابني يغنى "هابى بيرث داي تو يو"، لأنه كان فاكر عيد ميلادي.
لبنى: غسلت الدجاجة بالصابون السائل، ولما سألني زوجي عن طعم الصابون الموجود قلت: "يمكن الفرخة واكلة صابونة".
ريتاج: "عملت رز في طبق بلاستيك وسيبته عالنار لحد ما جت ماما وشافتنى وأكلت ضرب عمرى ما هنساه.
جهاد: أنا نزلت جبت فرخة وحمايا بيحب يهزر، فبعد ما جيت قالى شاطرة جبتيها بكام قولت 25، قاللى جبتى الريش قولت لا قاللى حسام بيحب الريش، قولت للراجل عاوزة الريش.. قاللى المرة اللى جاية أعملهولك باروكة للفراخ اتكسفت وما اشترتش حاجة تانى من الراجل ده.
رشا أنا أول مرة عملت بيتزا سويت العجينة وبعد ما خلصت سألت ماما أحط الإضافات بقى أزاى.
بسمة: غسلت المكرونة قبل سلقها.
فوفا: عملت أول طبق ملوخية بالخل