ماهينور المصري: تأجيل استئناف «رفيدة وهنادي وأسماء» للمرة التاسعة

اتهمت الناشطة الحقوقية "ماهينور المصري" الداخلية بالتواطؤ بسبب ما تتعرض له أسماء حمدي ورفيدة إبراهيم وهنادي أحمد وآلاء السيد وعفاف أحمد وسماح سمير، في الترحيلات، وتأجيل استئنافهن على حكم سجنهن خمس سنوات للمرة التاسعة.

وكتبت ماهينور على "تويتر": "ممكن أحكيلكم شوية على البهدلة اللي بتتبهدلها أسماء حمدي ورفيدة إبراهيم وهنادي أحمد وآلاء السيد وعفاف أحمد والدكتورة سماح سمير في الترحيلات.. البنات دول كانوا في القناطر واتضربوا وانتقلوا على سجن الأبعدية في دمنهور وقبل أي جلسة ليهم بيومين بيتنقلوا على سجن بنها اللي هو سجن (جردل) يعني مافيهوش حمام في الزنازين.. وبعدين يترحلوا على أكاديمية الشرطة أو معهد أمناء الشرطة ويفضلوا مقعدينهم في عربية الترحيلات عشان يلفوا ويرجعوا بيهم تاني ويقولولهم اتأجلت لتعذر النقل.. داخلية وقضاء متواطئين... فاكرين أنهم بيتعاملوا مع أرقام مش مع بشر.. النهاردة التأجيل التاسع لاستئنافهم على حكم الخمس سنين و100 ألف جنيه للبنات والـ3 سنين و100 ألف جنيه لدكتورة سماح وجوزها وصديقهم.. الظلم ظلمات على الكل.. ملحوظة على الهامش ده التأجيل التاسع".

يذكر أن هنادي أحمد وآلاء السيد وعفاف أحمد وسماح سمير، حكم عليهن بالسجن 5 سنوات للتظاهر بدون ترخيص.