برهامى يجيز خروج النسوان للاستفتاء دون علم بسلامتهم أزواجهم !!
الشيخ ياسر برهامى أفتى بأن الاستفتاء من حق الزوجة حتى لو رفض بسلامته زوجها، طالما هتقول "نعم" لكن لو المدام ناوية تقول "لأ" فطاعة الزوج من طاعة الله وهل نسيتم الحديث القدسى "لو كنت آمرا أحدا بالسجود لغير الله لأمرت الزوجة أن تسجد لزوجها".
شيخنا السلفى الكبير شّغّل دماغه وقال هى فى الأول تستأذن الزوج فى الخروج للاستفتاء للإدلاء بصوتها، وإن رفض، فتقول له أنا رايحة مشوار تانى خالص وتيجى رايحة على الاستفتاء تقول للشريعة نعم وترجع للمتنيل على عينه زوجها اللى عامللى فيها ليبرالى ورافض شرع ربنا.. اّدى ياعم الشريعة اللى كنا خايفين منها.. دى الشريعة سهلة وبسيطة وما بتوجعش، بس لازم نكون فاهمين إن الشيخ برهامى أجاز الخروج للاستفتاء فقط دون اذن الزوج، لكن لو رايحة تقابل واحد تانى دى خيانة، هو أنا كمان هافتى.. أسأل الشيخ برهامى وأرد عليكن !!..
