يا «جدع» البنت متستحملش «الوجع»
البنت بتخاف من الوجع
عايزه واحد يكون جدع
راجل معاها مش عليها
يحافظ عليها ويحميها
متخفش منه بس تحترمه
تعمله حساب في غيابه
يحس بيها وتكون كل أحبابه
ويحتويها في ضعفها
يقويها بكلامه ويثبت قلبها
البنت مخلوق رقيق بطبعها
وبالاهتمام بتزيد غلاوتك عندها
خليك جدع واحترم عقلها
خد رأيها في أي حاجة تحبها
اسأل عليها في قمة انشغالك عنها
وخليك جدع واوعى تبعد عنها
