«فيس بوك» يشتعل بتعليقات الطلاب الساخنة حول انطلاق الدراسة.. شروق الشمس: «رجعنا للواجب والضرب بالشبشب من تاني».. أسماء الجلاد: «كلنا هنروح ننام في الفصل».. سيد خالد:
بعد انطلاق العام الدراسي مطلع الأسبوع الجاري، ازدحم موقع التواصل الاجتماعى «فيس بوك» بتعليقات الطلاب الساخرة عن عودتهم للمدارس من جديد، «فيتو» رصدت آراء التلاميذ.
قال نادر سيف: أنا عن نفسى الحصة الأولى بتبدأ 7، وعلى ما أروح تبقى 7.30 أدخل على طول على مكتب المدير، مفيش وقت.
وأضاف سيد خالد: أنا عن نفسى مش هروووووووووووح.. يخبطوا راسهم في أكبر حيطة، وطولها زى عرضها.
وعلق أمير رأفت: أنا مسائى.. وبصحى براحتى ومش فارقة معايا.
شروق الشمس علقت تقول: وتانى تانى تانى.. راجعين للهم تانى.. للصحيان بدرى والمذاكرة والواجبات والضرب بالشبشب من تاااانى.
"مش مسامحهم"
وقال محمد كيلانى: أول ما المنبه يرن علشان أصحى للمدرسة، بقولهم سيبوني كمان خمس دقايق وبتوصل لساعتين وبروح دايما متأخر.
وأضاف إسلام هشام: مش مسامحهم.
قالت أسماء الجلاد: على فكرة في المدرسة كلنا هنروح ننام في الفصل ونقضيها نوم.
"كابوس فظيع"
قالت ياسمين عصام: شوفتونى وأنا صاحية من النوم.. ولا حصل ولا هيحصل.
وأضاف محمد أحمد: ساعتها بحس وهما بيصحونى عشان أروح المدرسة إنى بصحى على كابوس فظيع.
علق مينا المصرى يقول: ساعتها مش هتبقى محتاج خمرة هتبقى محتاج بس جوب حشيش عشان تفوق.
"المدرسة.. تناحة الاسم تكفى"
قال ميدو الشافعى: بقولهم أنا تعبان انهارده وزوري وجعني وشكلي هموت.. استودعكم الله.. وأكمل نومى تانى.
أضاف عماد كامل ساخرا: الدراسة.. تناحة الاسم تكفى!
وأشارت نورهان محمد: أنا مش عاوزة أروح المدرسة أصلا.
وتابعت كاثرين كافي قائلة: أنا بصحى لوحدي وبكون نشيطة.
وقالت ياسمين جاد: أنا خواجه وبروح بعد الظهر.
"محتاجين ننام"
قال مصطفى محمد: والله الميعاد اللي بنصحى فيه كنت بنام فيه.
أضاف خالد حسن: اصطبحنا وأصبح الملك لله.
بينما علقت فاطمة سمير قائلة: وأروح المدرسة بدرى لية يعنى.. طالما قادرة أنام تانى.
أما محمد سامى فقال: بنحضر الطابور وأروح على طول للفصل، وأنا ماشى المدير بيقولى خد يلا تعالى هنا رايح فين بنقولة مروحين.. قالنا إنتو لحقتو علشان تهربوا.. بنقوله والله حضرنا الطابور كفاية لحد كدا بدل ما نخسر بعض.
