نشطاء تويتر والفيس غاضبون من انقطاع الكهرباء والمياه عن مصر.. باسم: شيء مثير..أحمد: لما يكون فيه مشكلة قولوا عشان نبقي عارفين..عبادة: حسوا بغزة وسوريا.. شيرو: كده فيه مصيبة

"انقطاع الكهرباء والمياه" أزمة عاني منها المصريون اليوم، ماأدي لغضب كثير من نشطاء تويتر والفيس بوك، فما كان منهم إلا أن دشنوا هاشتاج "انقطاع الكهرباء" للتعبير عن استيائهم لما يحدث في مصر من أزمة غير مسبوقة في قطع الكهرباء وتبعه انقطاع في المياه.
باسم رحمن " شيء مثير فعلا،. انقطاع الكهرباء"
محمد أحمد "بيقولك الكهربا هتيجى على سبعه المغرب كده انقطاع الكهرباء"
أحمد بهجت " لما يكون فيه مشكله قولوا علشان نبقى عارفين والا هتفضلوا كده... على طوووووووووول. انقطاع الكهرباء"
عباده "حسوا بغزة بقى... وبسوريا... وببعض القرى الفقيرة في الصعيد.... الكهربا بتجيلهم في المناسبات انقطاع الكهرباء"
EngShou_Refaat "سجل يا تاريخ انقطاع الكهرباء عن اغلب محافظات مصر في 4\9\2014"
حسام خاطر " مناورات الكهرباء.. الواد اللى قاعد على سكينة الكهربا بيطور من أدائه مصر انقطاع الكهرباء"
أم هاني 2020 " واضح أنه فيه اجماع على انقطاع الكهرباء"
المصري "المترو عطلان من محطة السيدة زينب إلى حلوان انقطاع الكهرباء"
إبراهيم جابر "انقطاع الكهرباء = مافيا المولدات"
أنس أحمد " "بس على قلبنا زيّ العسل!" انقطاع الكهرباء"
وسيم سيما "انقطاع الكهرباء اللهى اللى بيقطعها تنقطعلو المية ويجيلو تسمم بولينا يا ولاد الوسخة"
لمياء عاطف " المية قطعت تاني من المربع كله وشركة المية مشغول علطول.. المية قطعت تاني من ربع ساعة"
زيزو حسني "النور جه المية قطعت تبرع ولو بجردل"
وائل مختار "الكهربا جت 10 دقايق بعد قطع 3 ساعات ونص وقطعت تاني.... المشكلة أن المية جت مع الكهربا ودخلت الحمام والاتنين قطعوا قبل ما أخلص.... يابن... الهي ت..... هتخليني ادعي وانا في الحمام واشيل ذنوب اكتر مانا شايل"
مي رجب " النور قطع في معظم مناطق مصر و90% من الشعب لبس في الضلمة وراح شغله لاقي قاطع... وقطع كمان في المترو ومدينة الإنتاج الإعلامي والراديو وتوقف معظم القنوات والإذاعات عن البث....بس متنساش مصر جميلة خليم فاكر مصر جميلة"
أمنية طلعت "أمي بتقوللي المية قطعت كمان.الحمد لله أخدت دش قبل ما تقطع... يا رب ونبي ميكونش آخر دش في حمام ببنيو... شكلنا بعد كدة هننط في الترعة"
خالد البنا "الكهربا جت عشر دقايق وقطعت تانى والمية ماجتش م الصبح"
شريف اسكندر "الكهربا قطعت تاني. تفتكروا المية كدة حترجع؟؟"
حامد عميد "نايم الساعة 4 الفجر صاحي الساعة 8 الصبح من الحر عشان الكهربا قطعت اجي اطفح حاجة الاقي المية كمان قاطعة"
شيرو مي نوشكا "المية كمان قطعت في أكتوبر....كده فيه مصيبة"