بالفيديو.. مصريون يسخرون من صورهم في البطاقة.. محمد: الحكومة هتطلعنا إيه يعني.. محمود "صورتي لواحد سوابق بجد".. عامر: هو فيه حاجة بتعملها وبتطلع حلوة.. أمجد: بتكسف أطلع البطاقة قدام حد

تثير صور بطاقة الرقم القومي سخرية المصريين على مواقع التواصل الاجتماعي وخاصةً الفيس بوك، وفي الواقع الفعلي في التعاملات اليومية، وتعرضت صور المصريين في بطاقات الرقم القومي للنقد والسخرية في السينما كان من بينها ما جاء في فيلم "عسل أسود"، "فيتو" سألت المصريين عن ردود فعلهم على صورهم في بطاقة الرقم القومي.

سخر محمد عامر من صور المصريين في بطاقة الرقم القومي، قائلًا: "يعني صور الحكومة هي اللي مصورها لنا طبيعي إنها تبقى كده، عايز إيه من الحكومة هو فيه حاجة أصلًا بتعملها وبتطلع حلوة".
سوابق بجد
وقال محمود سيد: إن صورته في بطاقة الرقم القومي سيئة جدا لدرجة أنه لم يتعرف على نفسه فيها، مضيفًا: "صورتي في البطاقة صورة واحد سوابق بجد حاجة بشعة بس هعمل إيه يعنب لازم أرضى بيها وخلاص مش هعرف أغيرها".

وذكر سعيد حسن أن صور المصريين كلها سيئة في بطاقة الرقم القومي؛ نظرًا لعدم اهتمام الحكومة بجودة كاميرات التصوير، مضيفًا: "الصور بتتاخد على غفلة ومحدش بيبقى واخد باله فعلشان كده بتطلع وحشة".

ذنب الحكومة
وبسؤال أمجد السقا عن صورته في بطاقة الرقم القومي قال ساخرًا: "مش صورتي لوحدي اللي وحشة، كل صور المصريين وحشة في البطاقة وده مش ذنبنا ده ذنب الحكومة اللي لازم تاخد بالها من حاجة زي كده، أنا بتكسف أطلع البطاقة قدام حد أحسن يتريق علي".

بينما قال أحمد سعيد: "أنا بعتبر نفسي محظوظ علشان أنا صورتي مش وحشة قوي في البطاقة"، مؤكدًا أن أغلب صور المصريين في بطاقة الرقم القومي سيئة جدا.