شبيه «السيسي» بالمنوفية يتبرع لـ«تحيا مصر» بـ51 جنيهًا

«علشان بحبها لازم أتبرع ليها».. بهذه الكلمات ذهب مصطفى بدوي، شبيه الرئيس عبد الفتاح السيسي، إلى أحد فروع بنك مصر بمحافظة المنوفية، للتبرع لصالح صندوق «تحيا مصر»، استجابة للرئيس السيسي، للنهوض بالاقتصاد المصري.

يقول «مصطفى»: «أنا عندي توك توك بشتغل عليه.. وبعد يوم شاق في العمل جمعت 51 جنيها، علشان أتبرع بيهم لصالح صندوق (تحيا مصر).. علشان أنا بحب بلدي واللي يحب بلده لازم يتبرع ليها».

ورغم أنه من الطبقة الفقيرة، إلا أنه حرص على التبرع لمصر، لتشجيع المحيطين به على التبرع. يقول «مصطفى»: «أنا اتبرعت برغم أني فقير جدًا وزي ما انت شايف شغال على توك توك.. بس كان لازم أعمل كده علشان كل واحد يحس بالمسئولية ويروح يبترع لمصر».

مصطفى بدوي، مقيم بمركز تلا بمحافظة المنوفية (مسقط رأس الرئيس الراحل أنور السادات)، يلقبه الأهالي المحيطون به بـ«السيسي» بسبب تشابه ملامحه مع الرئيس الحالي للبلاد عبد الفتاح السيسي.