«فيتو» سألت «هتعمل إيه لو حد عاكس خطيبتك».. محمد: «هضربه وهتبقى أزمة كبيرة».. محمود: «هبص ليه باستحقار وهاخدها وأمشي».. عبدالله: «هولع فيه».. مجدي: &#
يختلف مفهوم المعاكسة من فتاة لأخرى، فبعضهن ترى أنها وسيلة تعبر عن جمالهن، والبعض الآخر ترى أنها شيء من الوقاحة وانعدام الأخلاق، لكن للمعاكسة مفهومًا آخر عند الشاب خاصة إذا نالت من إحدى قريباته، وتزداد الأزمة إذا تعرضت خطيبته أو زوجته لهذه المواقف، «فيتو» سألت الشباب «هتعمل إيه لو حد عاكس خطيبتك؟»..
في البداية، قال محمد إبراهيم: طبيعي أن تتعرض أي فتاة للمعاكسة، مضيفًا: «المشكلة مش إنها تتعاكس، المشكلة أن حد يعاكسها وأنا معاها، ساعتها أكيد هضربه وهتبقى أزمة كبيرة».
فيما أوضح حسن محمود، أن الشخص الذي يقوم بمعاكسة فتاة هو في الأساس شخص غير محترم، قائلا: «أكيد أنا مش ههزق نفسي مع واحد مش محترم.. أنا هبص ليه باستحقار وهاخدها وأمشى».
وعبر مراد أحمد، عن استيائه من الشباب الذين يقومون بمضايقة الفتيات، قائلًا: «اللي بيعاكس واحدة في الشارع ده مش راجل أصلًا، واللي بيعاكس واحدة مع خاطيبها ده عايز الشنق».
أما عبدالله حسين، فعبر عن رد فعله حال معاكسة أحد زوجته، قائلًا: «أكيد هولع فيه، علشان كده أنا مبحبش أخرج مراتى من البيت».
وقال مجدي أحمد، إنه في حالة تعرض خطيبته إلى معاكسة أثناء سيرها معه سيقوم بقتل هذا الشخص، قائلًا «هجيبه من رجليه وأعلقه في أي عمود نور علشان يبقى عبرة».
