بالفيديو.. "عم شلبى" يروى تفاصيل ظلم رئيس مباحث ثان شبرا

رصدت عدسة "فيتو" معاناة رجل مسن من أمام قاعة جنايات محكمة شبرا الخيمة بالقليوبية صار نجله ضحية ظلم وافتراء رئيس مباحث قسم ثان شبرا الخيمة.

وقف عم "شلبى" في حالة يرثى لها يروى تفاصيل ظلم المقدم مصطفى لطفى رئيس مباحث قسم ثان شبرا الخيمة ،ورغبته في أن يعلو ويترقى على أكتاف الناس من خلال إلقاءه التهم عليهم حيث قال اسمى "سلبى" مقيم ب6شارع أبو بكر الصديق ببهتيم القليوبية تابع لقسم ثان شبرا الخيمة ولدى من الأبناء 3 بنت وولدين ،وأعمل حاليًا بالمعاش وشغال ممرض خاص.

وأشار "عم شلبى" قائلًا مشكلتى دلوقتى إنه من 3 شهور جات مباحث مصطفى لطفى رئيس مباحث قسم ثان خدت ابنى من الشارع ومافيش في جيبه أي حاجة ونازل بالترنج على أساس إنى بعته يجيب لى علبة سجائر ،فلقي واحد صاحبه في الشارع سلم عليه ،المباحث نزلوا لقيوا مع صاحبه "مطوة"فبيركبوا الإتنين فابنى قال طيب أنا أركب ليه طيب أنا ذنبى إيه؟..إركب لأمش هركب حصلت مشاجرة مسكوه ضربوه.وركبوه.

وتابع قائلًا:وبناء على ذلك عمله محضر 27 تذكرة بدرة ،وفرد سلاح ،ومقاومة سلطات وفضل محبوس على ذمة التحقيق 4فى 15فى 15 لمدة شهرين وخرج بكفالة 500 جنيه.

وتساءل الأب المكلوم قائلًا:طيب أنا ذنبى إيه كأب علشان أبيع عفش بيتى علشان أوكل لأبنى محامى وهو كان عمل إيه أصلًا علشان البهدلة دى كلها.لابنى وأمه المريضة تقعد من غير أكل ولا شرب تبكى عليه.

وواصل قائلًا بعد الإفراج عن ابنى قاله مصطفى لطفى ماشى مش ههنيك أسبوع ،وفعلًا نفذ تهديده مافيش 4 أيام وجه خده الساعة 2ونص بالليل وهو معهش حاجة فأنا بقوله وأخدينه ليه قال كلمتين بس وخلاص ،الجيران كانوا عايزين يقفوا ليه أنا رفض ،وبالفعل خدوا ابنى تانى وعمله محضر تانى بأنه مسكوه تحت كوبرى مسطرد الساعه 9 ومعاه 54تذكرة بانجو ،ومطوة.


وينهى "عم شلبى"كلامه متسائلًا إيه الإفترا دة ؟حسبى الله ونعمة الوكيل فيه وفى اللى جابوه كمان.