بالفيديو والصور..«الإيسرية» وشارع بورسعيد «سيتى ستارز» أسيوط..أصحاب المحال: الإيجارات في الطالع والأسعار في النازل..صاحب محل: الناس "مستخسرة" تشترى حاجة.. و«زبائن»: كتر خ
ينتظر أصحاب محال الملابس والأحذية، بمنطقة «الإيسرية»، وشارع بورسعيد، أشهر أسواق محافظة أسيوط، «موسم العيد» من كل عام.
ويحمل عيد الفطر هذا العام، وضعًا خاصًا، بسبب ما شهدته الأسواق من ارتفاع أسعار، أثر على معيشة المواطنين بصفة عامة، وساهم في انخفاض الإقبال.
سعفان عبد الحفيظ –صاحب محل ملابس- قال: « الحال واقف والسوق نايم والناس مستخسره تشتري حاجة وبتفاصل». لافتًا إلى أن البائعين اضطروا لإعلان تخفيضات كبيرة على السلع كى يبيعوها.
وأشار عمار الضمرانى - بائع أحذية- إلى أن إيجار أصغر المحال مساحة في شارع بورسعيد يصل إلى 3 آلاف جنيه، فضلا عن فواتير الكهرباء وأجرة العاملين به، ومحاضر الحى.
وقال الضمراني: « السوق نايم ومش جايب همه وبنجيب البضاعة غالية ولازم نبيع عشان ناكل عيش وبرضه الزبون بيستغلي الحاجة ويمسكها ويسبها ويمشي».
من جانبها قالت فوزية محمد –أحد المترددين على السوق-: «الناس تعبانة والمرتبات مش مكفية حاجة خالص، دلوقتي يادوب نكفي مصاريف الأكل والشرب ومش قادرين نلبس زي زمان كان الواحد يشتري 5 أطقم من الملابس مع بداية الموسم دلوقتي لو استطاع توفير ثمن طقم يبقي كويس خالص ويحمد ربنه ومجبرين نشتري لبس جديد للأطفال عشان بس موسم العيد».
وأضاف لمعى شحاتة: «أصحاب المحال والتجار بيستنوا موسم العيد للبيع والشراء ورغم أننا في موسم أعياد والمفروض أن الناس تشتري ملابس إلا أن الحال واقف والبضاعة مركونة زي ماهي داخل المحال ويادوب بنوفر ثمن الإيجار ومعظم المحال قفلت والناس بيوتها اتخربت».
