تويتر يعلن "حداد على أرواح جنود حرس الحدود".. مغردون: دمنا حبر كتب شهادة وفاة الإخوان.. شهداؤنا مش عايزين حداد عايزين حقهم.. لازم نكون زي الصعايدة ما نخدش العزا إلا بعد التار
سادت حالة من الحزن مواقع التواصل الاجتماعي بعد العملية الإرهابية التي راح ضحيتها 24 شهيدًا من قوات حرس الحدود في منطقة الفرافرة بمحافظة الوادي الجديد، ودشن نشطاء تويتر هاشتاج حمل عنوان "حداد على أرواح جنود حرس الحدود" ليكون بمنزلة دفتر عزاء في الشهداء.
وفي الهاشتاج قالت "Samar Negida": "ومتى انتهت حالة الحداد؟ حدادنا لم ينقطع مستمر منذ أول قطرة دم أريقت/ وحتى قصاصها لم يأتِ" كما قالت "أميرة": "اللهم ارحمهم واغفر لهم وعافهم واعفُ عنهم وأسكنهم فسيح جناتك مع الصديقين والشهداء"، وقال "المزجنجى": "ﻻ حول ولا قوة إلا بالله البقاء لله في شهداء مصر".
وكذلك فقد قالت "باتيستايا": "بعد عشرتهم 3 سنين لازم تكون متأكد إن التيار الديني يخاف ما يختشيش، أما التيار الثوري لا بيخاف ولا بيختشي.. دمنا هو الحبر اللي اتكتبت بيه شهادة وفاة تنظيم الإخوان"، وكتبت "الفطاطرية": "مع جيشنا لحد آخر نفس ونقطة دم" فيما قالت "Asmaa Omeir": "شهداؤنا مش عايزين حدادنا شهداؤنا عايزين حقهم".
وعلي الجانب الآخر، قالت "مصراوية": "صدفة قافلة لدعم حماس بنفس يوم ذكري ٢٥ شهيدًا ليقتل بنفس اليوم ٣١ شهيدًا جديدًا انتبهوا للداخل قبل الخارج" وكتبت "حداد": "ومين سمعك يا ابن بلدى لا العين مبطلة دموع ولا نار قلبى بتبرد".
كما قالت "مهاوي": "احنا جيل استحمل فوق طاقته احنا جيل مات فعليًا واللي عايش مات نفسيًا"، واقترحت "فيها إيه لو نبقى زى الصعايدة منخدش العزا إلا بعد ما ناخد بالتار"، فيما تحدث "محمد أحمد " إلى الرئيس، قائلا: "ياسيسي البس بدلة الجيش وأعلن حالة الطوارئ واعتقل كل واحد يتكلم على الجيش".
وأيضا قالت "ليدي نانا": "أسرة مصرية تعيش الآن في عويل وحزن لسه ولادها الجنود وظباط بجيش مصر قتلوا بأي ذنب"، وقالت "نيفين": "الله يحرق حماس على اللى جابوهم هما عايشيين يتاجروا بالقضية، ومصر عيالها بتموت اهدموا معبر زفت رفح وخلصونا".
فيما أكد "خارج النص": "اللي يتطاول على جيشنا ويقتل ولادنا ملهوش ديه عندنا ولا ليه مكان بينا.... لازم يتفرم ومافيش حداد ولا عزا قبل ما ناخد بالتار من الإرهابيين ونسمع خبرهم.. دم ولادنا مش رخيص دول 15 راجل"، كما كتبت "moni": "هيفضل لحد امتي ولاد مصر يموتوا غدر وحقهم مبيجيش... نفسي بجد واحد بس من اللي قتلوا جنودنا دلوقتي أو قبل كده يتمسك ويتعدم مش يعدوا بالسنة يحاكموا فيه حرام".
