بالفيديو.. "شردي" لـ"أماني الخياط": "إحنا نعمل المصايب ونعتذر!"
علق الإعلامي محمد شردي، مقدم برنامج" 90 دقيقة" على فضائية" المحور"، على الهجوم الذي شنته الإعلامية" أماني الخياط" ضد دولة المغرب الشقيق، قائلا: "إحنا مبنحبش حد يتكلم عن مصر، والمغرب محدش فيهم إتكلموا عن مصر، بالعكس الشعب المغربي اهتموا بينا وبيحبونا، يبقى مينفعش إحنا كإعلاميين نتكلم عن دولة شقيقة وإحنا مش عارفين تاريخها إيه".
وأضاف شردي،" طبعا أماني اعتذرت وإدارة القناة كمان، بس بعد إيه بعد ما كل الكتاب والإعلاميين في المغرب خرجوا وبدأوا يردوا على اللي إتقال في حقهم، هو إحنا نعمل مصايب في العلاقات المصرية الخارجية، متسائلا: "إنتوا شوفتوا علاقة المغرب بمصر عاملة إيزاي؟" طب تعرفوا الطرق عاملة إيزاي في المغرب؟" والمغرب ساعدت مصر قد إيه بعد ثورة 30 يونيو؟".
وأوضح شردي، أن وزير الخارجية المغربي جاء إلى مصر والتقى بوزير الخارجية المصري، لبحث سبل التعاون المشترك، لافتا إلى أن الاعتذار لا يكفي لأنه لا يجوز التدخل في العلاقات المصرية العربية بهذا الشكل، قائلا: "إحنا نعمل المصايب وبعدين نرجع نعتذر".
وتابع،" يا جماعة هي واحدة تقفل التليفون في وش سفير إثيوبيا عشان بيقولها هفهمك والتانية تطلع تقول اقتصاد دعارة، يا جماعة الإعلام مش كدا، المرة دي المغرب هتعديها لكن بعد كدا محدش هيعدلنا غلطة".
