"اتعرت الشنبات".. شعر لـ"محمد عاطف عبد المنعم"
الحفلة صبحت قرف
واتعرت الشنبات
السرقه سرقة شرف
والفرجة للخو-ج-ات
م الحزن قلبى اشتكا
شحتف ونهنه بكا
وصف قلمهم حكى
حروف وكلمات
أنا اللى قلمى اتكسف
اتمنى لو يتنسف
ما عدش ينفع أسف
ولا ينفع السكات
زعل الشيطان اتألم
سرح كتير وبلم
منهم مناه يتعلم
الفن والمهارات
صوت الصريخ والاه
في وسط الزحمة تاه
إزاى تكون الحياة
ف غابة حيوانات
نكسة من غير حروب
اصبر يا صبر أيوب
اغزل م الدمع توب
غطى لحم البنات
هيجى يوم أجيال
هتذلنا بسؤال
فين راحت الرجال
يا زمن الخو-ج-ات
لو أخرنا الحساب
يصبنا يوم العذاب
لازم قطع الرقاب
ونمنع الجايات
الحفلة صبحت قرف
واتعرت الشنبات
السرقه سرقة شرف
والفرجة للخو-ج-ات
