طلاب الثانوية العامة ينتظرون التنسيق على تويتر.. مغردون: التنسيق ألعن من النتيجة.. اثبت في مشوارك تجارة في انتظارك.. اليوم ستبقى ذكرى لدى الجميع.. إلى الوزير: كل درجة بتتبرع بيها بتنقذ حياة عيلة
في إطار استعدادهم لظهور نتيجة الثانوية العامة التي من المقرر أن تظهر خلال الساعات القليلة القادمة فقد قام الطلاب بتدشين هاشتاج "ثانوية عامة" على تويتر للسخرية والحديث عن النتيجة قبيل ظهورها.
وفي الهاشتاج دعا "مشروع مغني" قائلا "للصائم دعوة لا ترد.. ربنا يفرح قلوبكم يا ثانوية عامة" وقال "SMURF": "على فكرة بعد النتيجة في تنسيق وده ألعن من النتيجة" فيما قال "صاحب صاحبه": "أنا جالي أمراض أكتر من اللي جاتلي في الـ11 سنة اللي فاتوا بس الحمد لله إني بخير وأحسن من غيرنا بكتير".
وكذلك كتب "خالد": "اثبت في مشوارك تجارة في انتظارك" وقال "تاجر سبح": "أيوه لما هاتخشوا الجامعة هاتقولوا أيام الثانوية أحلي أيام حياتنا" أما " Alaa Khaled" فاعتبر أن "النهاردة هيفضل ذكرى في حياة أي حد في ثانوية عامة بس يارب يبقى ذكرى حلوة تفرحنا ونفرح لما نفتكرها أمين يارب".
ومن جانبه قال "Omesh": "النور قطع على الوزير في المؤتمر الصحفي دي بشرة خير" وكتب "أحمد أفندى سيف": "ابن عمى المفروض إنه في ثانوية عامة راقد في أوضته عادى خالص ومفكرش يسأل على أخبار النتيجة حتى" وكتبت": "يعني أنا واحدة بحب الإنجلش أوى ومع ذلك دخلت علوم.. عشان استخسرت مجموعى والنتيجة إيه بنجح فيها بالعافية.
كما قال "Alaa.M.Gamal": "أختى حلمتلى بحلم ووربنا يستر وما يتحقق حلمت إنى جبت 94% وعلوم قبلت من 96 %"، في حين قال "farah ghaly ": "إلى وزير التربية والتعليم كل درجة بتبرع بيها مش بتنقذ مستقبل طالب دي بتنقذ حياة عيلة".
وعلي الجانب الــ"شيماء يوسف": "يعنى الواحد مطبق من إمبارح ومستني زفت المؤتمر الصحفى اللى المفروض الساعة 11!! أفتح ألاقى برنامج أطفال!" وقال "صاحب السحابة السوداء": "عاوز شقة أبات فيها الكام يوم الجايين وتكون جنب مائدة رحمن".
فيما قال "Ahmed M Elsayd ": "شايفك ياللى داخل تدور على اسمك فالأوائل اطلع بره يابابا اطلعى بره يا آنسة" كما كتبت " فتحية": "زى اليوم دا من ٣ سنين طلعت بالكيميا وكنت عادى جدا في إيه" وقال "Eslam Smile ": "عزيزي وزير التربية والتعليم لو متطلعتش اتكلمت وخليت النتيجة تظهر دلوقتي.. بدل ما هتتطلع على رجلك الطلاب هيطلعوك بالجزمة".
