طلاب الثانوية العامة يستعدون للنتيجة بهاشتاج ساخر.. محمد: كل الطرق تؤدي إلى المشرحة.. كاريزما: أيامنا على الأرض معدودة.. أم حزلئوم: اعمل خير واكفل طالب ثانوية عامة يوم النتيجة
![فيتو](images/no.jpg)
في إطار الاستعداد للإعلان عن نتيجة امتحانات الثانوية العامة، دشن الطلاب على تويتر هاشتاج "الثانوية العامة" للسخرية من ردود الأفعال المتوقعة مع بداية ظهور النتيجة.
وفي الهاشتاج قال "ويكأنى محمد هشام ": " أنا خلاص كلمت واحد وهيجبلك النتيجة من الكونترول لا يا عم شكرا أنا مش مستعجل.. كل الطرق تؤدي إلى المشرحة" وقال " AbdelRhman ": " الوزير بيقول هتطلع الخميس لسة.. الحقوا اخرجوا.. هتوحشكوا الأيام دى..".
كما علقت " كاريزما" قائلة: " أيامنا على الأرض معدودة" وقال " فؤش بن فؤاد": " أول نص في رمضان قضيناه قلق وخوف من حوار النتيجة، تاني نص في رمضان هنقضيه اكتئاب وزعل على صدمة النتيجة" وقال " بن آل نورالدين ": " أي حد في ثانوية عامة أنا مش عاوزك تخاف لما أبوك يعرف النتيجة، أنت هتكون في مكان أحسن مننا بكتير".
ومن جانبها كتبت "ميار أم حزلئوم": " اعمل خير في رمضان واكفل طالب #ثانوية_عامة يوم النتيجة" وقالت " شذى": " ما تقوم تطمن على النتيجة ما تقوم تطمن على النتيجة ما تقوم تطمن على النتيجة"، فيما قال "My Name Is Rush": " أنا بحذرك يا وزير التربية والتعليم، لو المجاميع طلعت زى الزفت احنا هنقتلك...وهنقتل عيالك...وهنقتل كريمة السكرتيرة".
وكذلك فقد علق " Ahmadovic"، على رد فعل أسرته بعد ظهور النتيجة فقال " زي دلوقتي الأسبوع اللي جاي هيكون الجيران بيتفرجوا علينا"، وقالت "مريم": تعرف أن المصري ممكن ينسي أي حاجة.. بس يفتكر أنه عنده قريب ف ثانوي لازم يتصل يقوله جبت كام.."، فيما قالت "GIHAD:_H. ": "احنا محتاجين ملجأ عشان يوم النتيجة دا هانتحدف من الشباك!".
ووصفت " SaLmA " الفترة الحالية بأنها " فترة انتظار النتيجة دى عاملة زى حالة اللا حرب واللاسلم"، فيما علقت " مَيادّة مِش الحِناوي" قائلة: "النتيجة هتظهر في نص رمضان ! هيموتوا شهداء ولاد المحظوظة".