«السيسي» عن «مساعدات العرب»: «مش معقولة يدونا كل سنة 20 مليار»
حذر الرئيس عبد الفتاح السيسي، من خطورة تفاقم الأزمة الاقتصادية، مؤكدا أن استمرارها يؤدى لإسقاط مصر.
وقال السيسي خلال كلمته بمنتدى "صحيفة الأخبار" بحضور عدد من رجال الأعمال: " إذا لم تعالج المسألة الاقتصادية معالجة حاسمة هو ده اللى هيجيب مصر الأرض".
وأكد الرئيس السيسي، أنه صارح كل المصريين بتفاقم الأزمة. وقال: " خدنا أقل من 25 مليار دولار في العشرة شهور الأخيرة يعنى 200 مليار جنيه وفى نفس الوقت عجز الموازنة بتاعنا ما زال فوق الـ 200 مليار جنيه يعنى المفروض كده العجز بتاعنا يبقى 450 مليار لو ده مجاش لغاية دلوقتى ولغاية الشهر الجاى".
وكشف السيسي، عن أن قطاع البترول فيه نحو 900 مليون دولار بما يساوى 50 مليار جنيه لم يتم تحصيلهم منذ 10 شهور".
وأكد الرئيس السيسي، وجود "فصيل" ستغل مشكلة "عوز المصريين" في المعركة بين السلطة وهذا الفصيل. وقال: "احنا عايشين بنتحرك في البلد ومش عارفين أن فيه فصيل شغال على المعركة اللى بينا وبينه وهو عارف أن مشكلة العوز هي مشكلة المصريين فبيلعب عليها".
وأشار إلى أن هذا "الفصيل"، يحاول "تقييد" الدولة، من خلال محاولة "توقيفه" كل النجاحات لاستمرار الدولة المصرية من خلال عجز اقتصادى "يخلي البلد تقع".
وعن إعانات الدول العربية لمصر قال السيسي: "مش معقولة يفضل العرب يدونا، مش معقول يفضل يديك كل سنة من 20 إلى 30 مليار دولار وفى رأى عام عندهم يعنى لازم نكون منتبهين".
