إعلان «بيبسي» يعيد الذكريات الجميلة.. نشطاء يدشنون هاشتاج "يلا نكمل لمتنا" ويغردون: يلا نسهر رمضان بيحب اللمة.. السنة اللي فاتت رجع "المهندس" والسنة دي "جورج" والإخوان مش عارفين يرجعوا "مرسي
حصد الإعلان الجديد لشركة "بيبسي" على العديد من ردود الفعل بين الشباب على مواقع التواصل الاجتماعي والذين دشنوا هاشتاج "يلا نكمل لمتنا" على "تويتر" و"فيس بوك" للتعليق على الإعلان واستغلاله في الحديث عن ذكريات طفولتهم.
وفي مقارنة مع إعلان كوكاكولا قال "محمد نبيل": " جميل أنك تكلم الناس بأساميها، لكن الأجمل أنك تكلم الناس في ذكرياتها ومشاعرها".
وقال "حازم حازم": " أشوف بقي حد حاطتلي كان كوكاكولا عليها اسمه تاني." في حين تحدثت شوشو عبده قائلة: " كوكاكولا فضلت تقول لناس أساميهم "بيبسي" جابت إعلان نسى الناس أساميهم أصلا".
وكتب محمد كامل: أد إيه الواحد عدى عليه كل الذكريات الجميلة في طفولته. وكتب شوقى أورج: أحلى لمة لينا وإحنا قدام ال ps3 وبنلعب blur تحس إن إحنا إخوات يا جدع" وقال عمور: " يلا نكمل لمتنا ونقعد مع بعض نحكى مع بعض نسهر مع بعض رمضان بيحب اللمة".
وقال " كوســتا": " فين أيام لما كنا لازم نفطر سوا كل سنة" وقال " منظم رحلات للمريخ": " إعلان بيبسي رجع جورج سيدهم والإخوان لسه مش عارفين يرجعوا مرسي" وقال "العنترى": " يلا نكمل لمتنا بعد ما الكليات فرقت بيننا".."وحشتني أيام زماان".
وأضاف باسم الجمال: " يلا نكمل لمتنا لما ننزل انا وصحابى الفجر ونفضل نلعب كورة لحد الصبح" وقالت "فريدة علوي": "فكرني بحاجات وذكريات يعدي عمري وليها في قلبي مكان، ولمة العيلة وعيلة العيلة كل ليلة خير وبركة أيام زمان" في حين قالت بوسى: "إعلان بيبسي ده بيخلينا نبكي على حالنا دلوقتي".
ومن جانبه قال "أحمد": "ليه أكتر ناس بتحبنا بنبعد عنهم وليه أكتر ناس بنحبهم بيبعدوا عنا" وقال بيتر سمير: جورج سيدهم يعود للأضواء من جديد بعد غياب 18 عاما بسبب المرض... ربنا يشفيك " وقالت ميرو حلمى: "أنا بكيت من قلبى الإعلان رائع.. جورج سيدهم بكانى قوووى ياه زمن حلو ياه لو نرجع زى الأول".
وكتب حمادة غزاوى: "فاكر أيام لمتنا كانت تعدي ساعات ف ثواني بتجمع أحلى الناس مش أي لمة وخلاص يلا نرجع لمتنا" وكتب" مـحـمد مــنـعـــش": "فؤاد المهندس رجع السنة اللى فاتت وجورج سيدهم رجع السنة دى ومحمد مرسي لسه مرجعش" في حين قال "راجـل شـرقـي": " كلنا هنطلع صورنا القديمة ونتصور زيها جديد بعد إعلان بيبسي، بس هتبقي حاجة حلوة ويمكن ناس تكلم بعضها بعد سنين بسبب الصور دي".
