المغير متهكما على«صعود الجزائر»: مبروك لجيش قتل 150 ألف مسلم
تهكم الناشط الإخواني الهارب أحمد المغير الملقب إعلاميا بـ«رجل خيرت الشاطر»، على فرحة الشعوب العربية بصعود فريق الجزائر للدور الـ16 في مونديال البرازيل، مؤكدا أن كلمة مبروك تقال للمسلم المنتصر في حرب وليس للاعب كرة.
وقال المغير على صفحته الشخصية بـ«فيس بوك»: «وخلاص كل حاجة رجعت لطبيعتها، القهر، الظلم، القتل، التعذيب، الاغتصاب، ومعاهم كمان الاهتمام بكأس العالم ! كأس العالم في إيه؟ في الكورة! مش في الحرية ولا العلوم ولا العسكرية ولا أي حاجة من دول».
وأوضح الناشط الإخواني، أن كأس عالم معمول خصيصا لإلهاء الشعوب وإيهامها بانتصارات زائفة غير حقيقية.
وتابع:« مبروك للجزائر؟ على إيه بالضبط ؟ على المومياء اللي بيحكمها من عالم الأرواح ولا الجيش بتاعها اللي قتل أكتر من 150 ألف مسلم هناك ولا تبعيتهم لأمريكا ولا استقبالهم للسيسي؟ مبروك دي في زمنا ده تتقال للمسلم لما ينتصر في معركة أو حرب أو ثورة غير كده الكلمة ملهاش أي معنى نهائيا ولا لون ولا طعم ولا ريحة».
وواصل المغير تهكمه: «مبروك للجزائريين أن 11 واحدا من عندهم بيعرفوا يجروا ورا الكورة كويس وباحتراف.. والبقاء لله ليهم ولينا في الحرية والكرامة والعزة المفقودة».
