بهجت قمر: السلفيون لم يتذكروا الشهداء إلا بعد تعارض مصالحهم مع الإخوان
![الشاعر أيمن بهجت](images/no.jpg)
تعجب الشاعر أيمن بهجت قمر على صفحته الشخصية بموقع "الفيس بوك"، من دفاع نادر بكار على شهداء الاتحادية والذين استشهدوا خلال الفترة الماضية قائلًا: هم الأخوة السلفيين ما افتكروش مسئولية مرسى عن العيال اللى بتموت غير لما وقعوا فى بعض، هو من الشرف انك تدارى عليهم باستماته لحد ما الأمر يتعارض مع مصالحك ولا رجالتك بتقلب الترابيزه وبتشردلهم.
وتابع قائلاً: أمال فين نغمة الهدوء والاستقرار ومصر أولاً اللى هروا أهالينا بيها، دول وللا دول مايفرقوش معايا لإنهم حبة مرتزقه محدثين شهرة وسُلطة، أنا اللى فارق معايا الناس، عشان كده بجد برجو أصدقائى المحبين والمنتمين للتيارات دى على الأقل المتعلمين منهم إنهم يفكروا.. وبقول لكل واحد فيهم صدقنى ارتباطك بيهم مش ارتباط بالدين ولا العقيده أنت كده كده مسلم من قبل ماتتبلى بيهم ... آه والله.
يُذكر أن نادر بكار قد وجه اللوم لمؤسسة الرئاسة صباح اليوم على صفحته الشخصية بموقع "تويتر" على استبعادها لأحد مستشارى الرئيس المنتمين للتيار السلفى، حيث قال "إذاكانت الرئاسة تقيل بالشبهات فيجب على الرئيس أن يتقدم باستقالته لشبهات تورط بعض مرءوسيه فى قتل المتظاهرين عمداً".