بالفيديو.. شكاوى طالبات الثانوية العامة من انقطاع الكهرباء ليلة الامتحان
رصدت "فيتو" شكاوى طلاب الثانوية العامة من انقطاع التيار الكهربائي أثناء المذاكرة ليلة الامتحان.
في البداية، أبدت مريهان إيهاب غضبها من انقطاع التيار الكهربائي ليلة الامتحان أكثر من ثلاث مرات، قائلة " يعني لما تبقى مادة مهمة زي الإستاتيكا ويقطعوا النور والله حرام إحنا عايزين نذاكر، خلاص بعد كدة يعملوا الامتحان في مستوى الطالب اللي بيقطع عنده النور".
وأضافت هاجر محمد أن انقطاع التيار الكهربائي يؤثر على قدرتها على التحصيل في ليلة الامتحان، وطالبت وزارة التربية والتعليم بضرورة خفض التنسيق ومراعاة كل الظروف التي مرت بها مصر هذا العام، مضيفة " أنا كان نفسي أدخل هندسة وذاكرت وطلع عيني وفي الآخر بمستوى الامتحانات ده لو دخلت هندسة خاصة يبقى حلو أوي بجد حرام عليكوا"
وأشارت إسراء خالد إلى أن انقطاع التيار الكهربائي لا يؤثر فقط على مستوى التحصيل العلمي للطالب وإنما يؤثر على صحة الطالب، قائلة" بغض النظر عن الامتحانات اللي زي الزفت كمان بتقطعوا النور حرام عليكوا عنينا تروح بسبب المذاكرة على ضوء الشمعة".
