كريم محسن يتزوج من خارج الوسط الفني
عقد المطرب كريم محسن، قرانه على فتاة من خارج الوسط الفني، معربا عن سعادته بالخطوة التي أصر على اتخاذها قبل حلول رمضان المقبل.
وقال محسن في تصريح له بيان نشره على "فيس بوك": "النهارده أحلى يوم في حياتي.. النهارده وقبل رمضان، كملت نُص ديني، أنا الحمد لله كتبت كتابي على بنت ناس كويسين من أسره محترمه وكريمة، باركولي، وعقبالكم جميعًا".
وأضاف: "أنا حبيت آخد الخطوه دي قبل صدور الألبوم، وقبل رمضان، علشان أنا حاسس إن المرحله الجاية مختلفه بالنسبه ليا، إن شاء الله ربنا يكرمني ويكرمكم جميعًا".
وأوضح: "كتب كتابي كان في بيت العروسه في نطاق عائلي، وإن شاء الله الدعوة عامه في الفرح إللي هيكون بعد صدور ألبومي بكام شهر.. حبيت أفرحكم معايا لأني بحبكو أوي أوي وربنا يديم المعروف بينا ودائما إخوات وحبايب".
يذكر أن محسن يستعد لطرح أغنيته الجديدة "بحلم بيك"، خلال الأيام القليلة المقبلة.
