مريم صفوت تكتب: عاشق ترابك

بحبك
يا نور صباحي
يا دفا ف مسايا
يا شمسي وهوايا
يا أجمل بداية وأسعد نهاية
بحبك
مش كلمة أقولها
ولا بعلو صوتي أنشدها
ولا مشاعر إيه بدايتها
أنا معرفش إيه نهايتها
حبك دى حكاية وابتديتها
بحبك
ويلومونى الناس على حبك
ومحدش دارى إنى ابنك
عاشق ترابك عاشق لناسك
دايب كده وقلبى قلبك
بحبك
دم عشقك بيجرى في
دمى يسفك عنك يا غالية
بتهنينى وتدمرينى
وبروحى أفديكى
وتفضلى عالية
بحبك
بلدى إنت يا عفية
قومى بقى وانفضى كل إيد تخريبية 
رجعى عزك
رجعى كرامتك
ورجعينى يا أمى لحضنك
ولو شهيد افتكرينى
قولى ابنى ودمى ف أرضك
ولو عايش يبقى ضمينى
وبينا نرجع العزة لصرحك
بحبك؛...