"فيس بوك" يطفئ شمعة "البرادعي" الـ 72.. "أبو بكر": "البوب" رئيس جمهورية الضمير.. "مرام": بنحبك معرفش على إيه.. "ميدو": إنت "الأقرع" الوحيد اللي بفتكره.. و"البحراوى": مصر ما تستاهلش منك حتى "تويتاية"
احتفل نشطاء على موقع التواصل الاجتماعي "فيس بوك" بالذكري الـ72 لميلاد الدكتور محمد البرادعي نائب رئيس الجمهورية ومدير الوكالة الدولية للطاقة الذرية السابق.
ودشن النشطاء هاشتاج: "عيد ميلاد البوب" وحرص قطاع كبير من مستخدمي موقع التواصل الاجتماعي على تقديم التهنئة للبرادعي في حين استغل البعض الآخر المناسبة للهجوم عليه.
كتب "أبو بكر الخضيرى": " عيد ميلاد الإنسانية عيد ميلاد الضمير كل سنة وأنت طيب يا إنسان بجد البرادعي رئيس جمهورية الضمير وفي كل زمان وكل مكان سيبقي البرادعي".
وقال " إبراهيم الشامى": "اليوم ده من كل سنة أصبح بالنسبالي حدث من أهم أحداث حياتي اللي بستناها فعلا..مش بس لأنه اتولد في اليوم ده وعيد ميلاد بقي واحتفال وكلام من ده.. لأعشان بقي يوحشني كلامي عنه ووحشني أكتر كلام الناس اللي بتحبه فيه".
وشنت "مرام عصام" هجوما حادا على "البوب" وكتبت: "كل سنة وانت طيب يا فقر.. كل سنة وانت طيب يا بومة.. كل سنة وانت طيب يا نحس.. أدينا لسه متنيلين بنحبك معرفش على إيه ووحشتنا وانت متستاهلش أصلا خليك هايص عندك واحنا هنا طالع عين اللى جابوا أهالينا"..
ووجهت "نيرفانا ممدوح" التهنئة للبرادعي بقولها: " كل سنة وانت طيوووب يا بوب نزداد أملًا بك".
واعتبره "على البنا" "أبا" له، وكتب: "كل سنة وإنت طيب يا ماي جود فازر ربنا يمتعك بالصحة والعافية ومنتظرين رجوعك. وعلى فكرة إنت الوحيد اللي عملتله توكيل بعد المحامي بتاعي".
ووصفه "شادي محمد" بـ"كاسر حاجز الخوف لدى المصريين". وكتب: " كل سنة وانت ضمير الثورة ومفجرها".
وكتب ميدو ممدوح ساخرا: "إنت الأقرع الوحيد اللي بفتكره في حياتي".
وشن معارضو البرادعي هجوما حادا عليه الأمر الذي أدى إلى وصفه بـ"الخيانة". وكتب محمد النجار: " في هذا اليوم لا نتذكر البرادعي ولكننا سنتذكره في خيانته لوطننا لن ننسي يا برادعي أنك تركت مصر في أصعب ظروفها لن ننسي أنك تخليت عن حق الدولة في الدفاع عن أراضيها التي وضع الإرهابيون يدهم عليها".
وأضاف: "لن نستطيع أن ننسي تخاذلك ونكرانك لجميل الشعب عليك قررت الهروب قررت التخفي عن الأعين لأـنك تعلم أن تلك الأعين لن تتركك تعيش هنيئا في أي مكان عشت فيه".
وتابع محمد البحراوى هجومه على البرادعي وكتب: "ياراجل مفيش ولا حاجة حصلت الكام شهر اللي فاتوا يستحقوا منك.... تويتاية بلاش بوست - تويتاية صغيرة حسبي الله ونعم الوكيل منك لله يا مبارك من كترة ظلمك اتعلقنا بقشاية في 2010 وزقيناه في الحفرة".
