نشطاء يدشنون هاشتاج «على جزمتي» ردًا على «غرامة المقاطعين».. علاء: على جثتي يا عم.. رمضان: على كل جزمة 500.. فؤاد: هديهالهم فكة شلنات وبرايز.. منة الله: 5 × 500=2500 ادفع يا ب
![فيتو](images/no.jpg)
دشن نشطاء على موقع التواصل الاجتماعي «تويتر» هاشتاج #على_جزمتي، ردًا على قرار اللجنة العليا للانتخابات بفرض ٥٠٠ جنيه كغرامة لمن لم يشارك في التصويت في الانتخابات الرئاسية.
كان المستشار طارق شبل، عضو أمانة اللجنة العليا لانتخابات الرئاسة، قد أعلن أمس الثلاثاء أن اللجنة ستفعّل نصوص قانون انتخابات الرئاسة الخاص بتغريم المتخلفين عن الإدلاء بصوتهم مبلغ 500 جنيه، على أن تئول أموال الغرامة إلى وزارة المالية والدولة، وهو ما أثار موجة من الغضب والاستياء بين المواطنين.
ورصدت «فيتو» تفاعل نشطاء موقع التواصل الاجتماعى تويتر مع الهاشتاج.
أحمد علاء الدين: ههههههههههههه... على جزمتى إيه يا معلم !!!! على جثتى ...مش دااافع ... مفيشششش
نادية سلامة: أين العدل والحرية؟
سيد رمضان: على كل جزمة 500
ثروت أبو محمد: طيب أنا عايزهم من الجزمة دي علشان ادفعهم علشان أنا مرحتش
بنوته مصرية: ههههههههههههههههههههههههههه أنا محتاجة خمسه جنيه سلف أصلا أحول بيهم رصيد أو أى حاجة.
هبه سمير: ياعم كمال متقلقش هتروح تلاقي حد قام بالواجب وانتخبلك مفيش غرامة ولا حبس إن شاء الله ضرب على طول ههههههههههههه
محمد مسعود: وليه نقول على الجزمة وندفع لما ممكن نقول بالجزمة وماندفعش
جمال وجيه: أول مرة نشوف حكومة بتعاقب شعب مش الشعب اللى بيعاقب الحكومة انقلاب حتى فى المفاهيم
رجب رجب: طيب بالنسبة لى أنا مسافر فى البحر ممكن انتخب على ديل سمكة وابعتها فى البحر للجنة أو ممكن تعملولى لجنة فى البحر عشان مدفعش 500 جنيه الغباء له حكومته.
شريف مصطفى: اللي يقولك فيه غرامة 500 جنيه علشان أنت مقاطع قوله دستوركم بينص على الآتي:
مادة 64[عدل]
حرية الاعتقاد مطلقة. وحرية ممارسة الشعائر الدينية وإقامة دور العبادة لأصحاب الأديان السماوية، حق ينظمه القانون.
مادة 65[عدل]
حرية الفكر والرأى مكفولة. ولكل إنسان حق التعبير عن رأيه بالقول، أو الكتابة، أو التصوير، أو غير ذلك من وسائل التعبير والنشر.
من حقي أن اقاطع أنا حر في اعتقادى وأى قانون يخالف الدستور هو قانون باااااطل والمفروض أننا في دولة قانون.
عبد المنعم فؤاد: هديهالهم فكة شلنات وبرايز
منة الله خالد: 5 × 500=2500 ادفع يابابا عننا كلنا.