بالفيديو.. عمرو أديب لـ«الشعب»: «مصر دي أمك إزاي تسيبها على السرير عيانة»
طالب الإعلامي عمرو أديب، الشعب المصري بالمشاركة في الانتخابات الرئاسية، قائلا: "إحنا ليس لدينا تزوير في الانتخابات الآن وعلينا أن نشارك فيها".
وأضاف أديب: «ليه عاوزين تحرموا البلد منكم اعملوا حاجة للبلد وانزلوا شاركوا، لدينا مرشح عمل فوق 20 مقابلة والآخر أكثر من 30 مقابلة ومرشح كان بيسلم على الناس واحد واحد أكيد ده مكنش في الهواء".
وقال: "لا تلوم إلا نفسك بعد ذلك أنا لا يهمني الإخوان ولا الاتحاد الأوربي، أنا أخاطب الشعب المصري إنت هتسيب مصر كده إحنا عاوزين استقرار عاوزين استمرار عاوزين العيال بتعونا يتعلموا كويس، عاوزين لما نتعب نلاقي سرير في مستشفى مش عاوزين قطط وكلاب بالمستشفيات".
ووصف أديب مصر بالأم قائلا: "دي أمك يا أخي إزاى تسيبها كده لما تشوفها على السرير عيانة، اعمل اللى عليك وخلي الباقى على الله، عمرنا ما سبنا مصر كده".
وتابع: "البلد تشرف على تأمين الانتخابات وصرفت مليار جنيه لتأمين الانتخابات والإمارات أرسلت مدرعات، انزل وشارك عاوز حمدين عاوز السيسي انزل عاوز تبطل صوتك ابطله لكن انزل وشارك".
