"عيل بريـالة".. قصيدة لمصطفى محمود
زمان وسط الصحبة
كانوا بيتكلموا عن شغلهم
ف الأجازة..
فواحد قال انا هقف مع ابويا
ف محل البقالة
والتاني قالي انا كل اجازة
بغير الشغلانة
فمرة إشتغلت فران
ومرة ف دكان حلاقة
فعجبتني الفكرة
فرحت فتحت بابا وماما فيها
فرفضوا ورا ستارة
إنهم مش مخليني عاوز حاجة
و إن نظرة الناس ليهم !!
لما يشوفوني داير بنقالة
ولا كلام الإعتماد ع نفسي نفع
فكان الموضوع إستحالة
وكان كلامهم الأخير
أن اركز ف الدراســة
وبعديها بكام سنة
لقيت صحابي عضمهم ناشف
رجالة..
وانا لسة عيل بريـالة
