المخترع الصغير: "كان نفسي أخدم بلدي من الصعيد"
قال عبد الله عاصم الملقب بـ"المخترع الصغير":"إن قراره بعدم العودة إلى مصر جاء خوفا من التعرض إلى السجن".
وأشار إلى أنه كان يتمني أن يبقي وسط أسرته بمحافظة أسيوط ليخدم مصر وهو مقيم بالصعيد، وكتب عاصم على صفحته بموقع فيس بوك: "ناس كتير بتباركلي وناس كتير بتكتب تعليقات تقول إنها سعيدة إني أخدت القرار ده، بس الحقيقة أنا مش مبسوط، أنا فعلا كنت راسم لحياتي طريق تاني، وكان نفسي أعيش وسط أهلي في أسيوط، وكان نفسي أخدم بلدي وأنا في الصعيد، أقدم علمي وأفضل ﻵخر لحظة وسط أهلي وناسي، لكن كل ده تبخر في لحظة".
وأضاف:" القرار اللي أنا أخدته قرار صعب جدا ولوﻻ أني لقيت مصريين محترمين ساعدوني في اتخاذ القرار ده كنت ممكن أضعف وأرجع واترمي في أي سجن ومحدش يسأل عني، النهاردة شفت مفارقة غريبة ومحزنة، شفت فيديوهات لروﻻ خرسا ولميس الحديدي بيشتموا فيا وفي أهلي علشان خفت أرجع.. أيوه أنا خفت أرجع ومين فينا مابيخافش.. خايف اعتقل بالسنين أو اتسجن بلا محاكمة أو أموت بلا تمن".
وأضاف: "وفي نفس اللحظة اللي شفت فيها الفيديوهات شفت هاشتاج الشباب عاملينه باسم ارجع-يا-عبد-الله-علشان-عربية-الخضار، ناس بتباركلي وناس بتشتمني وناس بتتريأ.. وأنا بالنهاية قررت أعيش كإنسان".
