بالفيديو..«أبو حفيظة» ساخرًا: «ليه يعمله ألف حساب ما واحد كفاية»
سخر الإعلامي أكرم حسني، الذي يقدم شخصية «أبو حفيظة»، من المرشح الرئاسي المشير عبد الفتاح السيسي قائلًا «رجعنا تانى لهاشتاج اسأل أبو حفيظة أرسله له أحد الأشخاص ويقول بعد ما اتفرجت على لقاء حمدين صباحي بصراحة شايف إن السيسي لازم يعمله ألف حساب».
وعلق «أبو حفيظة»، ساخرًا، قائلا «وليه يعمله ألف حساب ما حساب واحد كفاية ونوفر الباقى علشان مصر»، وتابع «ليه في حي المهندسين ما هو مهندس واحد ونوفر الباقى علشان خاطر مصر».
وأضاف «أبو حفظية»، «الأستاذ عمرو مصطفى اللي عامل نفسه بيحب مصر يقولى أنا عندى خمسة ستة ليه خمسة ستة ما واحد بس يخلصلك الخناقة يا حبوب»، بالإضافة إلى «أحمد حلمي اللى عامل فيلم ألف مبروك طيب ليه هي مبروك واحدة بس" وتابع "الوحيد اللى قلبه على مصر محمد هنيدي قال يا أنا ياخالتي أصيل والله يا هنيدي".
وذكر، «أبو حفيظة»، خلال برنامجه «أسعد الله مساءكم من جديد»، على قناة «إم بي سي مصر»، جاء سؤال من مرزوق وضهري ممزوق يسأل «أعمل إيه لو روحت أدلي بصوتي ولم أجد أقلام أصوت بإيه» أجابه أبو حفيظة «بمنتهي البساطة دور على القلم تلقى قلم في الشغل والمواصلات والبيت ولو ملتقش قلم في كل دول تعالي وأنا أعطيك مائة قلم أخليك تصوت به».
