"المترو أسلوب حياة".. قصيدة لمصطفى محمود
![مصطفى محمود](images/no.jpg)
المترو حياة جوه حياة
بتبدأ بحبة عرق
مستنيين ع الناصية
أخدهم ف وشي وأجري
ع رصيفه..
لاجل ألحق عربية فاضية..
وهنا الحظ يلعب معايا
يلحق.. يستني الـجاية
ولما أركب..
النور الـ"برة" شرق
جوه بيختفي..
أول ما أرمي التحية
يلقى ناس ف حالها
يلقي ناس كلامنجية
شوية فـ السياسة
وشوية فـ الحكومة
الـ مقللة المهية
وألقي بياع بيخش
بباكو لبان أو بمإوار
ويعرض حركاته السحرية
وألقى ست شايلة عيل
بتستسمحنا بكام قرش
أصل جوزها ميت وهيه وحدانية
وسواق المترو يقف
ويسر منا المرق
وناس تسبه وتقوله
ما هيه مش ناصة العملية
وألقى واحدة أد أمي واقفة
وشاب بارد شايفها وقاعد
أصله فكرها تِكية
وواحد ابن حلال يقوم ويقعدها
وتقولي هدعيلك وأنا ع المصلية
وتيجي المحطة الـ نزلها
وأقوله متقلقش
كام ساعة ورجعلك
فحياتك عندي مش منتهية.