"بحر الطيبة" شعر لـ"محمد عاطف عبد المنعم"
بحر الطيبة
حرمت أكون إنسان
وهنسى أيام زمان
الناس فاكرة الطيب
بيكون ضعيف غلبان
هنسى كمان سكوتى
وهفضل أعلي صوتى
وهقول للطيبة موتى
ليقولوا عليا جبان
هصاحب بلطجية
واللى هيجى عليا
هضرب بالروسية
وههد بأيدي حيطان
الطيبة صبحت خيابة
ولاعدش فيه غلابة
وعشان أعيش فغابة
لازم أكون حيوان
سامحنى يا ربى
الذنب مش ذنبى
هيفيد بإيه أدبى
فالظلم والطغيان.
