بالفيديو والصور.. والدة «قتيل الأميرية»: «راح يعمل بطاقة علشان يقول نعم للدستور اتقتل»
التقت «فيتو»، بوالدة الشاب عبد الرحمن طارق عنتر (16 سنة) الطالب الذي لقي مصرعه بطلق ناري في مشاجرة مع ضابط شرطة بقسم الأميرية.
وقالت والدة القتيل، وهى في حالة انهيار تام: «ابنى مش إرهابى ولا إخوانى ولا بلطجى ليه الظابط يموته؟.. حرام عليه ده عيل لسه طالع للدنيا جديد"».
وأكدت أنها «لن تتنازل عن حق نجلها»، وتابعت: «عايزة الفريق السيسى يجيبلى حق ابنى.. أنا قولت له ينزل يعمل البطاقة علشان يقول نعم للدستور الجديد.. هيقول نعم إزاى وهو في التلاجة».
وتذكرت الأم وعود نجلها لها «قالى إنه هيودينى عمرة رمضان.. مين اللى هيودينى بعدك ياعبد الرحمن»، ثم دخلت في نوبة بكاء أمام باب ثلاجة الموتى بمستشفى الأميرية التخصصى.
