كان القرد نفع نفسه، ياسمين عز: 99.9% من اللي بيتكلموا عن علم الطاقة حياتهم خربانة (فيديو)
علم الطاقة، قالت الإعلامية ياسمين عز: إن ٩٩.٩ ٪ من الناس اللي بتتكلم عن علم الطاقة، حياتهم خربانة، كان القرد نفع نفسه، أنا ماعرفش غير الطاقة الشمسية واللام القمرية، أما الطاقة الكونية دي مستمعتش بها من قبل.
علم الطاقة عامل هوس للناس
وقالت ياسمين عز خلال برنامج "كلام الناس" المذاع على قناة "إم بي سي مصر": إن علم الطاقة عامل هوس للناس وبقى اللى بيفهم فيه واللى مش بيفهم فيه بيتكلم فيه، الناس بقت تسمع حجات إن الطاقة دى بتحل العقد وتعدل المايل، والفاشل ينجح، واللى زعلان ينبسط، واللى مابتخلفش تخلف، والحامل تولد، واللى عايزة تتزوج تتزوج.
وأضافت، إن لو الموضوع بالبساطة دى مكنش حد غلب، الموضوع لم يقف عند النقطة دى بس ولكن وصل إنه يكون مبرر لجرائم بشعة، مثل قضية مضيفة الطيران اللى حصلت في 2017، إنها تعلمت علم الطاقة على يد شخص إيطالي الجنسية خبير فى علم الطاقة، وقامت بقتل طفلتها 4 سنوات ثم طعنت نفسها.
قضية مضيفة الطيران بسبب علم الطاقة
وتابعت، أن مضيفة الطيران بعد ارتكابها الجريمة، ادعت أنها كانت بتعمل تجربة روحية جامدة شوية، وإنها بتسمع وبتشوف إلهامات من السماء.
ونقدم لكم من خلال موقع (فيتو) ، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
