حلا شيحة: القرب لربنا مش بالحجاب وهذا سبب إعجابي بالرجالة المتدينة (فيديو)
حلا شيحة، قالت الفنانة حلا شيحة: "بحس إن قربي من ربنا سعادة كبيرة أوي في حياتي مش بالشكل والحجاب، ولما أكون مش قريبة من ربنا بابقى طول الوقت عندي لخبطة ومش واقفة على أرض ثابتة".
تقرب حلا شيحة من الله بدون الحجاب
وأضافت خلال الجزء الثاني من لقائها ببرنامج "ع المسرح" المذاع على قناة "الحياة": "استوعبت فكرة إن قربي من ربنا مش لازم يبقى بالشكل ولا الحجاب، والحمد لله بقالي سنة طريقة تفكيري في الحتة دي اتغيرت بناءً على تجارب عانيت منها وتعبت، وأحيانا الإنسان بيجلد نفسه طول الوقت وأنا اتعلمت إن مش لازم أجلد نفسي بزيادة واتعلمت إن كل حاجة بتاخد وقتها واللي ربنا هيقدره ليا هاشوفه ومينفعش أفضل طول الوقت في صراع داخلي مع نفسي وأجلد ذاتي".
معاناة حلا شيحة وانجذابها للرجال المتدينين
وتابعت: "مفيش عندي استقرار في حياتي وده صراع دائم في حياتي"، مؤكدة: "في مرحلة ما كنت بنجذب للرجالة المتدينة وكنت بحب أرتبط بشخص علشان نصلي سوا ونقرأ قرآن سوا".
والد أبناء حلا شيحة
ولفتت: "لما اخترت أبو أولادي كنت بحبه جدا وأنا صغيرة وحبيته أكتر لما حسيت إنه قريب من ربنا هنصلي مع بعض ونقرأ قرآن مع بعض".
من يشجع حلا شيحة على ارتداء الحجاب؟
وأشارت: "فيه ناس بتقول إن كل لما أتجوز بتحجب الناس بتشوف من برة حبي للحجاب مكنش له علاقة بحد وقربي لحد متدين بيشجعني إني ألبس الحجاب".
قدر الله وحكمته
وواصلت حلا شيحة: "أنا راضية بكل القدر، وفيه وقت كنت حاسة إني زعلانة ومش راضية وبعد كده عرفت إن ربنا له حكمة في كل حاجة وكل شيء بيعلمنا إننا نبقى أقوى وكل شيء خير لينا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
