عبير صبري: عملت بلوك لـ غادة عبد الرازق وبكره الترند (فيديو)

قالت الفنانة عبير صبري:"أنا أكره التريند ولا أبحث عنه على الإطلاق ولا أحب التريندات المقصودة لبعض الفنانين وعارفة أنها بتعملها علشان الناس تتكلم عنها".

نجاح عبير صبري

وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"يهمني الناس تنشغل بنجاحي وبشغلي وبأفكاري وبشخصيتي فقط".

قبلات عبير صبري لزوجها

وأشارت:"أنا ببوس جوزي في أي حتة وفي كل مناسبة وبعمل كده في البيت وقدام الكاميرا وأي وقت بيظهر معايا فيه بكون فرحانة وده شيء يفرحني وببوسه من فرحتي وملهوش علاقة بالتريند وميهمنيش الناس تتكلم عليا".

سبب تفوق غادة عبد الرازق علي عبير صبري

وأكدت عبير صبري: "أقر وأعترف أنه لولا كسلي وانشغالي بحياتي الشخصية كان زماني في نجومية غادة عبد الرازق وبعمل بطولة مسلسلات لوحدي".
 

بلوك غادة عبد الرازق

ولفتت:"أقر وأعترف أني عاملة بلوك لغادة عبد الرازق وده بسبب أن فيه سوء تفاهم بسيط حصل ما بينا، وفيلم اللى اختشوا ماتوا، مش سر الخلاف بالعكس هو من الأفلام الجميلة اللى فخورة بيها والعمل نجح جدا، أنا غادة بحترمها جدا وبقدرها كفنانة، وهلغي البلوك اللي عملاهولها".
 

عبير صبري: فكرت في تجميد بويضاتي وعدم الإنجاب نعمة (فيديو)

عبير صبري: رفضت المشاهد الجريئة بعد خلع الحجاب (فيديو)

في نفس اللقاء، قالت الفنانة عبير صبري:"نسبة التفاهم بيني وبين زوجي عالية جدا ووصلت لـ 80% لأننا كل فترة من العشرة بنفهم بعض أكتر وبنستوعب بعض أكتر وبنتجاوز عن أخطاء بعض وبننضج احنا الاتنين مع بعض".

العلاقة بين عبير صبري وزوجها
 

وأضافت:"في الأول كان زوجي أشقى مني بكتير، هو شقى وأنا هادية ولكن مع الوقت بدأ ياخد شوية من صفاتي ويسمع أكتر ويستوعب أكتر ويطبطب أكتر".

رأي زوج عبير صبري في أدوارها
 

وتابعت:"الأدوار اللى بشتغلها حرية شخصية ومباخدش إذن جوزي في أدواري ولكن أنا بحكيله وهو بيتحمس لشغلي أكتر مني أحيانا، وفي رمضان اتعرض عليا أكتر من عمل ولكن مكنش عندي طاقة أني أشتغل إلا عمل واحد ولكن هو كان عايزني اشتغل في أعمال كتير".
  ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.