فريد الأطرش يغني ضد الخيانة والإرهاب

في عام 1961 نشرت مجلة الكواكب نص الأغنية التي قدمها الموسيقار فريد الأطرش ضد الإرهاب والخيانة بعد إعلان الانفصال عن سوريا وإلغاء الوحدة.

والأغنية من تلحين فريد الأطرش والتي تقول كلماتها:

قول للخائن والمأجور.. سيب الضلمة وعيش في النور
مش هيفيدك خدمة سيدك.. اللى حياته غش وزور
مافيناش خاين ولا مأجور
اللى يبيع وطنه وينساه.. تحرم أرضه عليه وسماه
الحرية خلود وحياة
لو هتخلى الدم بخور سيب الضلمة وعيش في النور
مافيناش خاين ولا مأجور
علم الوحدة هيفضل عالى.. يحرص أرض الوطن الغالى
فين هتروح من شعب مثالى..
مهما تلف ومهما تدور.. سيب الضلمة وعيش في النور
مافيناش خاين ولا مأجور
قوميتنا وحريتنا هما شعار جمهوريتنا..
واللى يمس في يوم وحدتنا.. كل الشعب عليه هيثور
سيب الضلمة وعيش في النور.